Stała viadoma, što nie tak daŭno abaroncu Andreja Dźmitryjeva pazbavili licenzii, i zaraz u jaho novy advakat.
«Ni našy listy jamu nie dachodziać, ni jaho — na volu, tamu my zaniepakojeny hetym. Praŭda, jość mahčymać dapamahać Andreju pieradačami. Pieradajem toje, što prosić: pradukty, niejkija rečy dla karystańnia, čaraviki biez šnurkoŭ…» — raskazała «Narodnaj voli» Taćciana Karatkievič.
Raniej Andrej Dźmitryjeŭ byŭ kiraŭnikom ruchu «Havary praŭdu», a ŭ 2020-m — kandydatam u prezidenty. Apošnim časam pracavaŭ nad stvareńniem palityčnaj partyi pad nazvaj «Naša partyja».
Pa infarmacyi Śledčaha kamiteta, «ustanoŭlena datyčnaść da ekstremisckaj dziejnaści» palityka. Śćviardžałasia, što Dźmitryjeŭ u žniŭni-vieraśni 2020-ha ŭdzielničaŭ u Minsku ŭ «vuličnych biesparadkach».
Akramia taho, śledčyja padličyli, što padazravany 599 razoŭ pierasiakaŭ dziaržaŭnuju miažu Biełarusi, ź ich 33 — paśla 2020 hoda. Śledstva miarkuje, što najaŭnaść kantaktaŭ u Andreja Dźmitryjeva z pradstaŭnikami Zachadu i ZŠA moža śviedčyć pra kaardynacyju jaho palityčnaj dziejnaści z-za miažy.
Taksama ŭ Śledčaha kamiteta majecca infarmacyja, što «zatrymany kantaktavaŭ ź dziaržaŭnym sakrataryjatam ZŠA i asabista ź jaho byłym kiraŭnikom Chiłary Klintan».
Andrej Dźmitryjeŭ — padazravany pa kryminalnaj spravie pa artykule «Arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich» (art. 342 KK).
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary
U padziejach-2020 udzied́ničaŭ nie na bčb baku praź internet. Suprać partyj. ITOHO: na hadoŭ piatnaccać paciahnuŭ by ŭ amierykanku.
I nachalery mhie viartacca na Baćkaŭščynu dziela toj amierykanki? Mianie i tut niadrenna kormiać u Ńju Jorku.