Nacyjanalnaja palicyja Ispanii aryštavała ŭ pravincyi Alikante 37-hadovaha biełarusa, jakoha šukajuć praź interpał, a na radzimie abvinavačvajuć ŭ chabarnictvie. Pra heta paviedamlajuć ispanskija ŚMI.
Jak pišuć haziety, u Biełarusi mužčynu stavicca ŭ vinu atrymańnie ekanamičnaj vyhady šlacham zaklučeńnia šerahu kantraktaŭ z budaŭničymi kampanijami z vykarystańniem dziaržaŭnych paŭnamoctvaŭ u pieryjad z 2013 pa 2016 hod. U dačynieńni da našaha suajčyńnika byŭ vydadzieny mižnarodny ordar na aryšt z metaj ekstradycyi.
Ispanskija pravaachoŭniki vyśvietlili, što ciapier biełarus žyvie razam z žonkaj u horadzie Tarevjecha, ustalavali za im nazirańnie i zatrymali. Ciapier mužčynam zajmajecca Centralny śledčy sud nacyjanalnaj sudovaj kalehii — orhan, adkazny za vykanańnie pracedur dla jaho nastupnaj ekstradycyi.
U Biełarusi zatrymanamu moža pahražać da 7 hadoŭ pazbaŭleńnia voli.
Kamientary