Biełaruskija futbalisty vyratavali pažyłuju žančynu z pałajučaha doma ŭ Kyrhyzstanie
Biełarusy Maksim Vysocki i Uładzimir Masłoŭski razam ź inšymi futbalistami kyrhyzskaha kłuba OšMU dapamahli vybracca z pažaru žančynie, jakaja praz stan zdaroŭja nie mahła samastojna pakinuć kvateru.
Pažar zdaryŭsia 29 žniŭnia ŭ Ošy. Futbalisty viartalisia z treniroŭki na bazu, kali zaŭvažyli ahoń u susiednim domie.
Jany kinulisia tudy i na druhim paviersie znajšli pažyłuju žančynu. Praz stan zdaroŭja jana nie mahła samastojna vyjści z kvatery. Jašče da pryjezdu ratavalnikaŭ hulcy dapamahli joj pakinuć achopleny ahniom dom, paśla čaho pieradali miedykam chutkaj dapamohi.
Razam ź biełarusami ŭ vyratavańni žančyny ŭdzielničali Andrej Sidaraŭ, Mirłan Chudajbierdzijeŭ, Šerzodbiek Kadziraŭ i Temirłan Džakypaŭ, paviedamiŭ futbolny kłub.
«Dla nas futboł — heta nie tolki vynik na poli. Heta taksama čałaviečnaść, uzajemadapamoha i hatoŭnaść pryjści na dapamohu ŭ ciažkuju chvilinu. Hanarymsia našymi chłopcami», — zajaviŭ kłub.
Maksim Vysocki — 31‑hadovy bramnik. Paśla vystupaŭ za «Baranavičy», «Naftan», mahiloŭski «Dniapro» i śvietłahorski «Chimik». U Kyrhyzstan Vysocki pierajechaŭ u 2025 hodzie i staŭ asnoŭnym hałkipieram OšMU.
Uładzimir Masłoŭski — 25‑hadovy paŭabaronca, jaki raniej hulaŭ u Biełarusi, u tym liku za «Smarhoń». Jon taksama pierajšoŭ u OšMU ŭ 2025 hodzie.
Ciapier čytajuć
Telegram vydaliŭ svoj aficyjny biełaruski kanał — vierahodna, kab nie padstaŭlać ludziej. Ale mnohija paśpieli padstavicca8
Kamientary