Litva śćviardžaje, što spyniła impart padsankcyjnaj draŭniny ź Biełarusi i Rasii
Mytnaja słužba Litvy zajaviła, što paśla ŭzmacnieńnia mytnaha kantrolu jana całkam likvidavała impart rasijskaj i biełaruskaj draŭniny i lesapradukcyi, jaki rabiŭsia ŭ abychod sankcyj praz Kazachstan i Kyrhyzstan.
«Z metaj praduchileńnia hetych złoŭžyvańniaŭ i ŭ adpaviednaści z tłumačeńniami Jeŭrapiejskaj kamisii ŭ kancy minułaha hoda mytnyja orhany Litvy ŭzmacnili kantrol za takimi tavarami, uzmacniŭšy pravierku pradstaŭlenych dakumientaŭ i maršrutaŭ transpartavańnia ŭ punktach kantrolu na miažy z Respublikaj Biełaruś i Kalininhradskaj vobłaściu Rasijskaj Fiederacyi», — adznačajecca ŭ paviedamleńni.
Akramia nadhladnych pravierak, ad imparcioraŭ na miažy ź Litvoj pačali patrabavać, kab tavar supravadžaŭsia dakumientami, jakija paćviardžajuć pachodžańnie tavaru, u pryvatnaści jaho vytvorcy i adras miesca vyrabu.
«U adnym vypadku miescam vyrabu byŭ paznačany šmatkvaterny dom, a ŭ inšych vypadkach u kiroŭcaŭ było vyjaŭlena niekalki kamplektaŭ dakumientaŭ, častka ź jakich była adrasavanaja biełaruskaj, a častka — litoŭskaj mytni», — adznačaje mytnaja słužba Litvy.
Raniej ŚMI apublikavali rasśledavańni z vykryćciom schiem abychodu sankcyj, uviedzienych Zachadam suprać vyrablenaj u Biełarusi i Rasii draŭniny, vykarystoŭvajučy kampanii-prakładki, zarehistravanyja ŭ Kazachstanie i Kyrhyzstanie.
Ciapier čytajuć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1212
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach12
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary