U Dziaržaŭnym kamitecie sudekśpiertyz paviedamili, što ŭ Mahilovie pačaścilisia vypadki atručvańnia sušanymi muchamorami, jakija haradžanie ŭžyvajuć u ježu ŭ jakaści charčovych dadatkaŭ.
U sakaviku ŭ Mahiloŭskuju haradskuju balnicu z prykmietami narkatyčnaha atručeńnia pastupiŭ 31-hadovy mužčyna. Mahiloviec na vulicy pavodziŭ siabie nieadekvatna, praz što minaki vyklikali chutkuju dapamohu i milicyju. Mužčyna trapiŭ u balnicu z dyjahnazam «vostraje atručeńnie nieŭstanoŭlenym rečyvam».
Milicyja ŭ toj ža dzień praviała pieratrus na jahonaj kvatery, dzie znajšła i kanfiskavała dva šklanyja słoiki sa zdrobnienym rečyvam raślinnaha pachodžańnia.
Rečyva adpravili na ekśpiertyzu i vyznačyli, što nasupierak čakańniam hetyja 200 hramaŭ śvietła-karyčnievaha i aranžavaha koleru raślinnaha pachodžańnia nie majuć u svaim składzie nijakich mocnadziejnych rečyvaŭ, jakija padlahajuć u Biełarusi kantrolu.
Paśla mahiloviec pryznaŭsia, što ŭžo nie pieršy raz jon jeŭ doma sušanyja muchamory, jakija kupiŭ jak charčovuju dabaŭku na sajcie ŭ internecie.
«U toj dzień mužčyna źjeŭ niekalki łyžak, zatym pajšoŭ u kramu i nieŭzabavie adčuŭ, što hublaje suviaź z realnaściu, staŭ pavodzić siabie nieadekvatna», — raskazali ŭ mahiloŭskim adździele DKSE.
U viedamstvie nahadali ab niedapuščalnaści ŭžyvańnia muchamoraŭ u ježu. U atrutnych hrybach i čyrvonym muchamory, u pryvatnaści, utrymlivajucca rečyvy, jakija ŭpłyvajuć na psichiku, — muscymoł i ibatenavaja kisłata. Ich užyvańnie viadzie da parušeńnia pracy, hibieli kletak hałaŭnoha mozha i moža vyklikać śmiarotny zychod.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva3
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary
etava (kak jeho?)u̷s̷a̷t̷a̷v̷a̷
mucha(kyš-kyš)morava