Sacsietka Twitter stała ŭraźlivaj dla rasijskich trolaŭ paśla reformaŭ Iłana Maska
Sotni akaŭntaŭ rasijskaj i kitajskaj prapahandy svabodna dziejničajuć u Twitter paśla taho, jak reformy Iłana Maska pakinuli sacsietku faktyčna biezabaronnaj, paviedamlaje Bi-bi-si.
Praca kamandy Twitter u baraćbie ź infarmacyjnymi apieracyjami była paralizavanaja. Hetaja kamanda vyjaŭlała infarmacyjnyja kampanii i manipulacyi fabryk trolaŭ u Rasii, Kitai, Iranie i inšych krainach.
Paśla nabyćcia kampanii Twitter Iłanam Maskam bolšaść jaje supracoŭnikaŭ była skaročanaja, što zrabiła płatformu ŭraźlivaj, pavodle ekśpiertaŭ i zvolnienych śpiecyjalistaŭ.
Ekśpierty Bi-bi-si paprasili ab ananimnaści, spasłaŭšysia na pahadnieńni ab pryvatnaści i pahrozy ŭ sacsietkach ad adeptaŭ teoryj zmovy.
«Čałaviečy płast byŭ całkam źniščany. Usio, što zastałosia ŭ Twitter — heta aŭtamatyzavanyja sistemy», — raspavioŭ Bi-bi-si były staršy supracoŭnik kampanii.
U vialikim intervju Bi-bi-si na hetym tydni Mask zajaviŭ, što ciapier u tvitary mienš dezinfarmacyi. Ale jon ničoha nie skazaŭ pra trolaŭ i pra sychod śpiecyjalistaŭ, jakija zmahalisia ź imi.
-
U Krymie miascovyja skardziacca nie tolki na deficyt paliva, ale i praduktaŭ
-
Pašynian prahałasavaŭ na parłamienckich vybarach u Armienii. Jon zajaviŭ, što nijakaj napružanaści z Rasijaj niama, a šlach da ES praciahniecca
-
Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
Kamientary