Režym rychtujecca da «partyzanki»? Leśniki zmohuć jeździć ź mihałkami, spyniać mašyny i stralać — deputaty rychtujuć źmieny
Prajekt zakona «Ab źmianieńni Lasnoha kodeksa Respubliki Biełaruś» deputaty razhledziać siońnia ŭ pieršym čytańni, paviedamiła namieśnica staršyni Pastajannaj kamisii pa pytańniach ekałohii, pryrodakarystańnia i čarnobylskaj katastrofy Pałaty pradstaŭnikoŭ Žanna Čarniaŭskaja, pieradaje BiełTA.
«Z ulikam śpiecyfiki lesakarystańnia ŭdaskanalenyja formy i mietady raboty słužbovych asob dziaržaŭnaj lasnoj achovy, a mienavita mahčymaść kruhłasutačnaha naviedvańnia lasoŭ dla praviadzieńnia palavych mierapryjemstvaŭ.
U tym liku jany nadzialajucca paŭnamoctvami na vykarystańnie transpartnych srodkaŭ apieratyŭnaha pryznačeńnia, abstalavanych śpiecyjalnaj śvietłavoj i hukavoj sihnalizacyjaj, a taksama na spynieńnie transpartnych srodkaŭ.
U metach zabieśpiačeńnia biaśpieki słužbovych asob dziaržaŭnaj lasnoj achovy i spynieńnia zamachu na ich žyćcio i zdaroŭje
zakonaprajektam praduhledžanaje nadzialeńnie ich paŭnamoctvami na vykarystańnie i prymianieńnie zbroi, a taksama śpiecyjalnych srodkaŭ, fizičnaj siły», — adznačyła parłamientaryj.
Udakładnienyja i ŭviedzienyja novyja terminy ź ich aznačeńniami.
Akramia taho, prajektam zakona zamacoŭvajecca kampietencyja Łukašenki «na vyznačeńnie adnosin u halinie vykarystańnia, achovy, abarony i ŭznaŭleńnia lasoŭ u lasnym fondzie, jaki vykarystoŭvajecca ŭ metach nacyjanalnaj biaśpieki, a taksama na ŭstanaŭleńnie paradku ažyćciaŭleńnia dziejnaści na ŭčastkach lasnoha fondu, jakija vykarystoŭvajucca ŭ metach nacyjanalnaj biaśpieki».
Kamientary