Va ŭciečkach Pientahona jość infarmacyja ab ekśpierymientalnaj rasijskaj zbroi, jakaja vykarystoŭvałasia suprać zachodnich spadarožnikaŭ nad Ukrainaj
Jana była nakiravana suprać sistemy Starlink Iłana Maska
Zboi ŭ pracy suviazi, GPS, i, asabliva, spadarožnikavaj sistemy Starlink padčas vajny va Ukrainie mahli być źviazany z vykarystańniem Rasijaj ekśpierymientalnych sistem radyjoelektronnaj baraćby (REB) «Taboł». Pra heta paviedamiła vydańnie The Washington Post sa spasyłkaj na źlityja zasakrečanyja dakumienty Pientahona.
Pavodle ŭciečki, rasijskija sistemy pastanoŭki pieraškod radyjosuviazi R-378A «Taboł» u 2022 hodzie rehularna sprabavali pazbavić ukrainskuju armiju dostupu ŭ internet, jaki dajecca z pačatku vajny kampanijaj SpaceX praź sistemu Starlink.
Usiaho Rasija dla hetych met razharnuła hetyja sistemy REB ŭ troch miescach: u Kalininhradzie, niedaloka ad Kryma i prama kala Bachmuta. Pry hetym u dakumiencie niama ŭkazańniaŭ na toje, ci mieli sproby błakiroŭki suviazi pośpiech, adnak zamiest ukazanych va ŭciečcy terminaŭ u 25 dzion rasijski ekśpierymient pa vykarystańni «Tabołaŭ» doŭžyŭsia bolš za piać miesiacaŭ, što moža ŭkazvać na peŭnyja nieadpaviednaści z čakanymi Rasijaj vynikami vyprabavańniaŭ.
«I tym nie mienš, vysnovy amierykanskaj vyviedki ŭražvajuć, bo paćviardžajuć šmatlikija teoryi i hipotezy ab tym, što sistemy, pieršapačatkova raspracavanyja mienavita dla abarony spadarožnikaŭ Kramla, mohuć być, naadvarot, skarystany dla napadaŭ na spadarožniki Zachadu», — piša The Washington Post, hruntujučysia na źviestkach z sakretnych dakumientaŭ ZŠA.
Hałoŭnaj ža asablivaściu pracy sistemy Starlink va Ukrainie, jakaja apisvajecca va ŭciečkach, źjaŭlajecca šmatlikaść i kučnaść jaje spadarožnikaŭ suviazi nad krainaj, što robić praktyčna niemahčymymi lubyja sproby pierakryć tam internet-suviaź.
Nahadajem, što raniej my ŭžo pisali ab tym, što suviaź — heta adzin z hałoŭnych faktaraŭ pośpiechaŭ Ukrainy padčas baraćby suprać Rasii. Pry hetym navat kali Rasija i vyrašycca na adkrytyja ataki i źniščeńnie zachodnich spadarožnikaŭ nad Ukrainaj, to heta daść absalutna advarotny efiekt i moža spravakavać adkryty vajenny kanflikt z Zachadam.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary