Izrail admianiŭ ekstrannuju repatryjacyju dla biełarusaŭ i rasijan
Ministerstva intehracyi Izraila pastanaviła zaviaršyć praceduru ekstrannaj repatryjacyi, uviedzienuju ŭ lutym 2022 hoda.
Heta aznačaje, što toj, chto prybyŭ u krainu da 15 krasavika i padaŭ prašeńnie ab źmienie statusu turysta na repatryjanta, pavinien prajści praceduru da 15 červienia, piša The Bell.
Kali chtości nie paśpieje sabrać usie naležnyja dakumienty, pracedura budzie praciahnutaja ŭ zvyčajnym paradku praz MUS z terminami vykanańnia da hoda. Da taho ž, z 1 maja dla afarmleńnia ŭ biełarusaŭ i rasijan pačnuć patrabavać apastylavanyja dakumienty.
Aficyjnaja pryčyna zhortvańnia prahramy ekstrannaj repatryjacyi — pamianšeńnie kolkaści zajaŭnikaŭ. Ale zdajecca, što ŭrad vymušany ličycca ź niezadavolenaściu ŭltrapravych partyj, jakija dyskutujuć na temu taho, što habrei, jakija chutka atrymali pašpart, imknucca chutčej źjechać z krainy. Ciapier Izrail zmoža zakryć 7 punktaŭ ekstrannaj repatryjacyi z 10 dziejučych.
Kamientary