U Breście 20 krasavika prezientavali turystyčny brend horada, paviedamlaje BiełTA.
Łahatyp, jaki pieramoh u konkursie, namalavany ŭ vyhladzie strakataj strały z łukam, jakija simvalizujuć hierb horada. Kožny koler adlustroŭvaje peŭnyja aśpiekty, źviazanyja z žyćciom Bresta, — jaho znakamityja lichtary, pamiežnyja słupy, reki, masty, lasy.
Słohanam turystyčnaha brenda vybrana biełaruskaje słova «natchniaje». I jaho prapanujuć nie pierakładać dla viersij na inšych movach. Na ruskaj movie jano zastajecca napisanym kirylicaj, na anhlijskaj — tranślitaracyjaj.
«Stvareńnie turystyčnych brendaŭ — suśvietnaja tendencyja. Jon pavinien być viadomy turystam.
Pry pozirku na jaho ŭ ludziej pavinna ŭźnikać asacyjacyja z Brestam. Heta nie prosta słova, a ŭ niejkaj stupieni tvor mastactva, ź jakim ludzi zachočuć sfatahrafavacca, nabyć pradukcyju ź jaho vyjavaj», — adznačyła načalnica adździeła sportu i turyzmu Bresckaha harvykankama Alesia Akruh.
Prapanavany dyzajnierami turystyčny brend płanujuć raźmiaščać na banierach, futbołkach, palihrafičnaj i suvienirnaj pradukcyi.
«Śpiektr šyroki. Pradukcyju z vyjavaj našaha turystyčnaha brenda budziem prezientavać na vystavach u Biełarusi i za miažoj, raźmiaščać na biłbordach. Pastupiła prapanova ad turystyčnaj firmy zabrendziravać turystyčny aŭtobus», — dadała Alesia Akruh.
Jana taksama źviarnuła ŭvahu, što heta mienavita turystyčny brend Bresta.
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami9
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary