Pratasievič u apošnim słovie kajaŭsia i prasiŭ nie pazbaŭlać jaho voli
Apošniaje słova Ramana Pratasieviča ŭ sudzie doŭžyłasia da 10 chvilin. Prysud budzie abvieščany 3 maja.
Abvinavačany pa spravie Nexta Raman Pratasievič u apošnim słovie ŭ sudzie zajaviŭ pra svajo raskajańnie, piša «Sputnik».
«Mnoj prosta skarystalisia spačatku ŭ Vilni, a potym u Varšavie, a potym prosta vykinuli, zdaŭšy biełaruskim uładam», — zajaviŭ Raman Pratasievič u apošnim słovie ŭ sudzie.
Jak piša prapahandystka Ludmiła Hładkaja, Pratasievič skazaŭ, što było vialikaj pamyłkaj damahacca pieramien praz raskoł hramadstva i što jon hatovy pakryć škodu.
«Ja adkryta pryznaju palityčnuju parazu. (…) Adkaznaść lažyć na mnie. Pryznaju, u adroźnieńnie ad tych, chto ŭ tym liku ciapier za miažoj i prykryvajecca šyrmaj», — cytuje Pratasieviča prapahanda.
Jon paprasiŭ sud nie pryznačać jamu pakarańnie, źviazanaje z pazbaŭleńniem voli.
Apošniaje słova ŭ sudzie doŭžyłasia da 10 chvilin, sud pajšoŭ u daradčy pakoj dla pastanovy prysudu, jaki budzie abvieščany 3 maja.
Prakuror zaprasiŭ Pratasieviču 10 hadoŭ kałonii ŭzmocnienaha režymu, Ściapanu Puciłu — 20 hadoŭ, Janu Rudziku — 19 hadoŭ. Rudzika i Puciłu sudziać zavočna.
Prapahandysty spytali ŭ Pratasieviča, ci viarnuŭsia b jon u Biełaruś, «kali b ciapier byŭ biehłym za miažoj»
«Achova zdaroŭja ŭ Biełarusi biaspłatnaja». Pratasievič asprečvaje ŭ sudzie pamier škody i toje, što byŭ kiraŭnikom ekstremisckich arhanizacyj
Pratasievič prakamientavaŭ mahčymuju ekstradycyju ŭ Rasiju Safii Sapiehi
Ciapier čytajuć
Andreja Pačobuta pamianiali na łukašenkaŭskich špijonaŭ, aryštavanych u Polščy39
Kamientary
jeho ispolzovali, kak bumažku dla...
nu vy ponili
na podchodie sv...
nu vy ponili
Jen rabiŭ usie kab vyžyć. Nielha jaho asudžvać
Tym bolš što jen byŭ u ATO ŭ 2014-2015