Što adbyvajecca z dyzielnym palivam u ZŠA i čamu Tramp tak kłapocicca pra heta
Darahoje paliva źnižaje padtrymku Trampa i ŭskładniaje stanovišča jaho partyi pierad vybarami ŭ Kanhres. Asabliva baluča rost cen adčuvajuć fiermiery. Rašeńnie Trampa impartavać rasijskaje paliva — heta rezkaja źmiena pazicyi prezidenta ZŠA.
Damoŭlenaść pra rasijskaje paliva stała rezkaj źmienaj pazicyi Donalda Trampa. Usiaho try tydni tamu jon padpisaŭ zakon pra novyja sankcyi i myty suprać krain, jakija impartujuć rasijskuju naftu i haz. Ciapier sam raźličvaje na pastaŭki z Rasii, piša BBC.
Pavodle Trampa, Uładzimir Pucin pahadziŭsia pastavić sotni tysiač ton dyzielu na amierykanski i suśvietny rynki ŭ najbližejšyja miesiacy.
BBC tłumačyć hetaje rašeńnie palityčnymi prablemami prezidenta. Paśla pačatku apieracyi ZŠA i Izraila suprać Irana ceny na paliva rezka vyraśli. Padaražańnie na zapraŭkach i jaho ŭpłyŭ na košt inšych tavaraŭ źnizili padtrymku Trampa.
Asabliva ciažka amierykanskim fiermieram: dyziel patrebny dla pracy techniki i pieravozki pradukcyi. Ahrarnyja štaty, u tym liku Ajova, Kanzas, Techas i Ahaja, stali niečakanymi arenami vybarčaj baraćby. Ad vynikaŭ hałasavańnia zaležyć, ci zachavajuć respublikancy kantrol nad Kanhresam.
«Źnižeńnie cen dla amierykancaŭ — asabliva dla našych cudoŭnych fiermieraŭ, uładalnikaŭ ranča i kiroŭcaŭ hruzavikoŭ — źjaŭlajecca maim hałoŭnym pryjarytetam», — napisaŭ Tramp u Truth Social.
Kab strymać ceny, jon užo zaklikaŭ jeŭrapiejskich sajuźnikaŭ aktyŭniej vykarystoŭvać naftavyja zapasy, adkłaŭ vypłatu fiederalnych padatkaŭ na paliva i dazvoliŭ vykarystoŭvać sielskahaspadarčy dyziel dla hruzavych pieravozak pamiž štatami. Taksama Tramp paabiacaŭ nie adnaŭlać ataki na Iran da zaviaršeńnia vybaraŭ. BBC nazyvaje heta nadzvyčaj adkrytym pryznańniem palityčnaha ŭpłyvu vajny.
Adnak ździełka z Pucinym moža nie dać chutkaha efiektu. ZŠA spažyvajuć kala 3,6 miljona barelaŭ dyzielu (kala 500 tysiač ton) za sutki. Abiacanyja Rasijaj 300 tysiač ton u kastryčniku — heta prykładna pałova sutačnaha spažyvańnia krainy.
Terminy pastavak pry hetym zastajucca niajasnymi. Raniejšyja abiacańni pastavić jeŭrapiejski dyziel istotna nie źmianili ceny. Da taho ž rasijskija naftapierapracoŭčyja mahutnaści paciarpieli ad ukrainskich udaraŭ, jakija Tramp zaklikaje spynić.
Jeŭrapiejskija sajuźniki i amierykanskija palityki krytykujuć damoŭlenaść, bo jana daść Rasii hrošy na praciah vajny. Uładzimir Zialenski nazvaŭ dazvoł Maskvie pradavać naftapradukty inviestycyjaj u vajnu.
Da vybaraŭ zastajecca mienš za miesiac, a ŭ mnohich štatach užo hałasujuć daterminova. Tamu, adznačaje BBC, niezrazumieła, ci paśpiejuć amierykancy adčuć istotnaje palahčeńnie i ci dapamoža heta respublikancam.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary
Niekali z Vieniesueły dyzel išoŭ u štaty patokam, miarkuju, što i ciapier idzie. Prabliemy ŭ Piersickaj zatocy nie ŭplyvajuć na USA, bo kraina daŭno ŭžo expartuje svaju ŭłasnuju naftu. Vysokija košty na dyziel nie praź niedachop nafty, niachaj liepš pryciśnie apietyty Morhanaŭ dy Dziuponaŭ, dyk i košty adrazu ŭtajmujucca.
jak charmuz nie ŭpłyvaje kali košty ŭzraśli jak raz paśla pačatku vajny?
jakoje dačynieńnie maje ekspart nafty da naftapraduktaŭ?
jakija dziupony i morhany?
u vas sindrom šyza mahaluba