«Bajpoł»: Paśla incydentu ŭ Mačuliščach try rasijskija źniščalniki vyvieli ź Biełarusi
Na kanale abjadnańnia byłych siłavikoŭ «Bajpoł» u jutubie vyjšła rasśledavańnie, pryśviečanaje incydentu ŭ Mačuliščach. Pierakazvajem ź jaho asnoŭnyja momanty.
«Poŭnyja padrabiaznaści hetaj apieracyi nie buduć adkrytyja navat paśla zakančeńnia vajny va Ukrainie»
«Bajpoł» kaža, što ŭsio, što možna było paviedamić pra padryŭ rasijskaha vajskovaha samalota ŭ Mačuliščach, jany ŭžo ahučyli.
«Miarkujem, što poŭnyja padrabiaznaści praviadzieńnia hetaj apieracyi nie buduć adkrytyja navat paśla zakančeńnia vajennych dziejańniaŭ va Ukrainie», — kaža kiraŭnik «Bajpoła» Alaksandr Azaraŭ.
Ale paśla vychadu filma na ANT, pryśviečanaha dyviersii, jon vyrašyŭ prakamientavać i abvierhnuć niekatoryja momanty.
Azaraŭ śćviardžaje, što paškodžańni samalota byli značnyja, choć prapahanda heta admaŭlaje. Pavodle jaho słoŭ, paśla ekstrannych adnaŭlenčych rabot, zroblenych na terytoryi Biełarusi, samalot z navihacyjnym abstalavańniem u niepracoŭnym stanie atrymałasia tolki pierahnać u Tahanroh na niaštatnaj dla jaho vykarystańnia vyšyni dla praviadzieńnia nastupnaha adnaŭlenčaha ramontu.
«Hety samalot užo paŭtara miesiaca nie vykonvaje svaje zadačy, i zamieny jamu pakul niama», — kanstatuje Azaraŭ.
Choć Łukašenka havaryŭ, što prasiŭ rasijan prysłać inšy.
Azaraŭ kaža, što adsutnaść hetaha samalota ŭ Mačuliščach istotna abciažarvaje dziejańni Rasii ŭ paŭnočnych i centralnych rehijonach Ukrainy.
U suviazi z hetym, pa słovach Azarava, 6 krasavika z terytoryi Biełarusi byli vyviedzienyja try rasijskija vajskovyja samaloty MiH-31K — nośbity zvyšhukavoj rakiety «Kinžał». Bo biez DRŁV ich mahčymaści abmiežavanyja.
«Zatrymanyja nie viedali płanaŭ Švieca»
Alaksandr Azaraŭ śćviardžaje, što ahučanaja ŭ prapahandysckim filmie infarmacyja pra toje, što Šviec pracavaŭ ad imia SBU pry ŭdziele CRU i śpiecsłužbaŭ Polščy, źjaŭlajecca chłuśnioj, pakolki prapahandysty nijakim čynam nie zmahli paćvierdzić hetaha.
Kiraŭnik «Bajpoła» kaža, što łukašysty zatrymali vypadkovych ludziej, jakija kantaktavali sa Šviacom.
«Nivodzin ź fihurantaŭ prapahandysckaha filma nie byŭ abaznany ŭ płanach Šviaca pa padryvie samalota. To-bok nijakaha złačynnaha namieru jany nie mieli i členami abjadnanaj złačynnaj hrupoŭki, a tym bolš zdradnikami Radzimy, nie źjaŭlajucca. Navat kali ličyć, što Šviec ździejśniŭ złačynstva, a Łapacinu (pieravozčyku) i Syčovu (haspadaru doma) u vyniku pra heta stała viadoma, to maksimum, što im moža pahražać — heta kryminalnaje pakarańnie za niedaniasieńnie ab złačynstvie abo ŭkryvalnictvie złačynca (da 2 hadoŭ pazbaŭleńnia voli).
U astatnich hierojaŭ filma składu złačynstva ŭvohule nie majecca. Tak što pahroza prymianieńnia śmiarotnaha pakarańnia z boku KDB absalutna niezakonnaja», — kaža Azaraŭ.
Taksama «Bajpoł» daviedaŭsia, što adzin ź fihurantaŭ spravy —Dzianis Sakałoŭ — byŭ znajomy z synam Iryny Abielskaj.
Padrabiaźniej tut:
Čytajcie taksama:
Na ANT vypuścili film pra «sietku SBU» ŭ Biełarusi
Kiroŭcu, zatrymanaha pa spravie ŭ Mačuliščach, pakazali na kadrach dopytu sa złamanaj skivicaj
-
Muž Bondaravaj raskazaŭ, za što jaje pasadzili na 13 sutak
-
Davydźka pajechaŭ u Rasiju pabiracca pa starych siabrach i pierastaŭ płacić za mabilny — jaho padchapiŭ kryptabiznesmien
-
Kaardynacyjnaja rada sprabuje daviedacca, ci byli na rachunak fondu Anžaliki Mielnikavaj pieraviedzienyja hrošy dla dziejnaści KR
Ciapier čytajuć
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady41
Kamientary