Svajakam Babaryki admovili ŭ pryjomie da kiraŭnictva Departamienta vykanańnia pakarańniaŭ MUS
Siońnia svajaki Viktara Babaryki sprabavali trapić na pryjom da kiraŭnictva Departamienta vykanańnia pakarańniaŭ MUS, paviedamlaje štab Babaryki.
Mienavita ŭ DVP adkazvajuć za ŭtrymańnie i biaśpieku źniavolenych. Na pryjomie rodnyja chacieli daviedacca pra miescaznachodžańnie i stan zdaroŭja Viktara, a taksama atrymać mahčymaść ubačyć jaho i pierakanacca, što ź im usio dobra. Ale ŭ pryjomie było admoŭlena.
Svajaki praciahnuć damahacca infarmacyi i sustrečy z Babarykam praz adkaznyja za heta orhany dziejnaj ułady, paviedamlaje štab. Tam prosiać usie prysutnyja ŭ Minsku mižnarodnyja arhanizacyi i dypłamatyčnyja misii akazać sadziejničańnie ŭ atrymańni infarmacyi ab stanie Viktara Babaryki.
26 krasavika 2023 hoda «Rabočy ruch» raspaŭsiudziŭ infarmacyju pra toje, što źniavoleny palityk trapiŭ u balnicu.
27 krasavika ŭ Navapołackaj centralnaj haradskoj balnicy «Radyjo Svaboda» paćvierdzili, što Viktar Babaryka ŭ ich. «Babaryka ŭ chirurhii», — adkazali ŭ špitali.
«Miedyjazonie» ŭ balnicy dadali, što stan palityka zdavalniajučy.
Śviatłana Cichanoŭskaja zapatrabavała, kab Babaryku publična prademanstravali, pakazali, u jakim jon stanie, i dapuścili da jaho advakataŭ i svajakoŭ.
«Lubyja inšyja dziejańni, — zajaviła Cichanoŭskaja, — buduć traktavacca jak naŭmysnaje pryčynieńnie škody žyćciu i zdaroŭju».
Dakładnaj infarmacyi pra stan Babaryki da hetaj pary niama.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary