Rumynija znoŭ pierastała vydavać vizy biełarusam. Treci raz za hod
Abiacajuć, što pierapynak budzie niadoŭhim — da 1 listapada.
Konsulski adździeł pasolstva Rumynii ŭ Minsku znoŭ prypyniŭ vydaču viz biełarusam, paviedamlaje telehram-kanał «Vizavy krot» sa spasyłkaj na abjavu, vyviešanuju na dźviarach budynka dypmisii.
Abiacajuć, što pierapynak budzie niadoŭhim — da 1 listapada.
Heta ŭžo treciaja paŭza ŭ pracy ź vizami za 2026 hod. Pasolstva Rumynii nie prymała dakumienty ź lutaha pa krasavik, a potym znoŭ prypyniła pracu — z maja pa žnivień. Pavodle źviestak krynic, hetyja pracesy źviazanyja sa źmienami konsułaŭ, piša Onliner.by.
Rumynija ŭvajšła ŭ Šenhienskuju zonu krychu bolš za dva hady tamu, u sakaviku 2024-ha. Z krasavika taho ž hoda konsulstva pačało prymać zajavy na turystyčnyja vizy. Navina ŭzradavała biełarusaŭ, adnak davoli chutka pajšli razmovy, što dypmisija nie źbirajecca prajaŭlać ščodraść: svabodnyja daty dla zapisu źjaŭlajucca redka, patrabavańniaŭ šmat, terminy dziejańnia viz karotkija, a vierahodnaść admovy całkam realnaja.
Da 2026 hoda situacyja, pavodle słoŭ ekśpiertaŭ, praktyčna nie źmianiłasia: navat kali vy sapraŭdy sabralisia ŭ Rumyniju i možacie heta paćvierdzić, naŭrad ci varta raźličvać na niešta bolšaje, čym adnarazovaja viza.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
I ŭsio heta navat nikudy jeździć nie treba, usio pravilnyja ludzi zrabili, usio praź internet, a pašpart słužbaj dastaŭki atrymaŭ.
Uziaŭ niekalki pašpartoŭ na roznyja imiony - tak tańniej, i zapas kišeniu nie ciahnie.
Zajzdrościcie moŭčki, stojcie za vizami.