Byłoha presavaha sakratara Kupałaŭskaha teatra dapytvali pa spravie «ab dziaržzdradzie»
Sukamierniki pres-sakratara Kupałaŭskaha teatra Mikałaja Zajca, jakija vyjšli na volu, paviedamili «Zierkału», što jaho dapytvali pa spravie «pra dziaržzdradu».
Jany miarkujuć, što Mikałaju Zajcu moža być vystaŭlena abvinavačańnie pa č. 1 art. 356 (zdrada dziaržavie) KK Biełarusi — u hetym vypadku jamu moža pahražać da 15 hadoŭ pazbaŭleńnia voli.
Byłoha pres-sakratara Kupałaŭskaha teatra Mikałaja Zajca zatrymali 13 sakavika, a ŭ jaho doma praviali pieratrus. Spačatku asudzili na 12 sutak za toje, što jon nibyta «razmachvaŭ rukami ŭ RUUS». Termin aryštu zakančvaŭsia 25 sakavika, ale na volu były pres-sakratar Kupałaŭskaha teatra tak i nie vyjšaŭ, jaho sudzili paŭtorna i aryštavali jašče na 14 sutak z toj samaj pryčyny — «razmachvaŭ rukami».
Mikałaj Zajac pracavaŭ u Kupałaŭskim teatry pa sumiaščalnictvie z 2020 hoda. 31 sakavika 2021-ha jaho zvolnili z farmuloŭkaj «u suviazi z pryjomam na pracu rabotnika, dla jakoha hetaja praca budzie asnoŭnaj».
U Sule adznačyli Kupalle. Haściej było stolki, što na darohach utvarylisia zatory6
Kamientary