Былога прэсавага сакратара Купалаўскага тэатра дапытвалі па справе «аб дзяржздрадзе»
Сукамернікі прэс-сакратара Купалаўскага тэатра Мікалая Зайца, якія выйшлі на волю, паведамілі «Зеркалу», што яго дапытвалі па справе «пра дзяржздраду».
Яны мяркуюць, што Мікалаю Зайцу можа быць выстаўлена абвінавачанне па ч. 1 арт. 356 (здрада дзяржаве) КК Беларусі — у гэтым выпадку яму можа пагражаць да 15 гадоў пазбаўлення волі.
Былога прэс-сакратара Купалаўскага тэатра Мікалая Зайца затрымалі 13 сакавіка, а ў яго дома правялі ператрус. Спачатку асудзілі на 12 сутак за тое, што ён нібыта «размахваў рукамі ў РУУС». Тэрмін арышту заканчваўся 25 сакавіка, але на волю былы прэс-сакратар Купалаўскага тэатра так і не выйшаў, яго судзілі паўторна і арыштавалі яшчэ на 14 сутак з той самай прычыны — «размахваў рукамі».
Мікалай Заяц працаваў у Купалаўскім тэатры па сумяшчальніцтве з 2020 года. 31 сакавіка 2021-га яго звольнілі з фармулёўкай «у сувязі з прыёмам на працу работніка, для якога гэтая праца будзе асноўнай».
Цяпер чытаюць
Сілавікі расказалі, за што правялі хапун на тэнісным матчы5
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары