Što viadoma pra byłoha pres-sakratara Kupałaŭskaha teatra, jakoha dapytvali pa spravie ab zdradzie dziaržavie?
Znajomyja Mikałaja Zajca raskazali pra jaho bolš. Jon vydaŭ zbornik biełaruskaha repu ŭ 14 hadoŭ, adšukaŭ infarmacyju pra 10 pakaleńniaŭ svaich svajakoŭ.
25-hadovy Mikałaj Zajac maje dźvie vyšejšyja adukacyi. Jon skončyŭ fakultet žurnalistyki BDU i Akademiju kiravańnia, a taksama maje stupień MBA. Dadatkova navučaŭsia ŭ Maskoŭskim dziaržaŭnym univiersitecie i Vyšejšaj škole ekanomiki. Padčas navučańnia kiravaŭ debat-kłubam na fakultecie žurnalistyki. Cikaviŭsia vyvučeńniem karparatyŭnych vydańniaŭ, rychtavaŭ manahrafiju, a ŭ 2020 hodzie staŭ łaŭreatam rasijskaha studenckaha konkursu pa daśledavańni karparatyŭnych miedyja.
U junactvie Mikałaj zachaplaŭsia biełaruskamoŭnaj rep-muzykaj. Na pačatku 2010-ch administravaŭ pieršy biełaruskamoŭny chip-chop-partał. Z 2012 hoda kiravaŭ prajektam «Łejbł MZ production», jaki zajmaŭsia prasoŭvańniem biełaruskaj muzyki.
A ŭ 14 hadoŭ vydaŭ CD-zbornik biełaruskamoŭnaj rep-muzyki «Žałudy». U internet-dadatku da vydańnia, siarod inšych, byli treki i viadomych rep-muzykaŭ, Maksa Karža i hurta ŁSP, jakija padrychtavali dla zbornika svaje kampazicyi na biełaruskaj movie. Asnoŭny dysk pradavaŭsia ŭ kramach.
U 18 hadoŭ Mikałaj staŭ indyvidualnym pradprymalnikam, zajmaŭsia arhanizacyjaj kancertaŭ u Minsku, padtrymlivaŭ maładych biełaruskamoŭnych vykanaŭcaŭ. Za aktyŭnaść u śfiery kultury ŭ 2018 hodzie jon staŭ łaŭreatam stypiendyi imia Arkadzia Smoliča.
Niekalki hod tamu chłopiec rychtavaŭsia da arhanizacyi biełaruskamoŭnaha džaz-fiestyvalu, ale karanavirus pieraškodziŭ płanam.
Mikałaj supracoŭničaŭ ź dziaržaŭnymi i niezaležnymi ŚMI: Tut.by, BiełTA, Biełteleradyjokampanijaj i inšymi. Pisaŭ na temy kultury i mastactva, a taksama na hramadska-palityčnyja. U 2019-m byŭ akredytavany ŭ jakaści žurnalista dla pracy ŭ Daniecku, dvuma hadami raniej — u Prydniastroŭi. U 2017 hodzie zapisaŭ razmovu z eks-prezidentam Polščy Lecham Valensa dla Tut.by.
Pres-sakratarom Kupałaŭskaha teatra jon staŭ uletku 2020-ha. U žniŭni byŭ adpraŭleny ŭ prastoj, a ŭ sakaviku 2021-ha, nie vychodziačy z prastoju, byŭ zvolnieny. Paralelna byŭ pijar-śpiecyjalistam u Čyrvonym Kryžy.
Chłopiec pradstaŭlaŭ sacyjalna-ekałahičny prajekt, jaki adpraviŭ na pierapracoŭku dziasiatki ton płastykavych nakryvak. Na atrymanyja srodki kuplalisia miedyčnyja srodki dla dziaciej ź ciažkimi zachvorvańniam. U 2021 hodzie na pierapracoŭku było nakiravana bolš za 50 ton płastyku i atrymana bolš za 20 tysiač rubloŭ.
Na pačatku vosieni 2020 hoda na fakultecie žurnalistyki BDU, jaki skončyŭ Mikałaj, pačaŭsia palityčny pieraśled studentaŭ i vykładčykaŭ. Małady čałaviek byŭ siarod tych, chto inicyjavaŭ pieramovy z kiraŭnictvam fakulteta.
U apošnija hady Mikałaj zachapiŭsia hienieałohijaj i krajaznaŭstvam. Ź blizkimi jon dzialiŭsia svaimi napracoŭkami, vioŭ telehram-kanał. Tam jon raspaviadaŭ, što znajšoŭ infarmacyju ab zvyš čym 1200 svajakach, daviedaŭšysia infarmacyju ab 10 pakaleńniach «uhłyb».
Pa słovach Mikałaja, usie jany — biełarusy-sialanie, jakija naradzilisia i vyraśli na biełaruskich ziemlach. Pa słovach Mikałaja, jaho prodki siabravali sa znakamitym paleskim rodam Skirmuntaŭ.
Adzin z apošnich zapisaŭ u Instagram u Mikałaja — pra biełaruskuju movu. Voś što jon pisaŭ u suviazi sa śviatkavańniem Dnia rodnaj movy:
«Kali ja vučyŭsia ŭ zvyčajnaj ruskamoŭnaj škole ŭ Minsku, dla mianie było pryncypovaj spravaj vieści dziońnik i kanśpiekt pa historyi Biełarusi nie jak usie na ruskaj movie, a pa-biełarusku. Dziońnik — tvar vučnia, a historyju Biełarusi ja zusim nie ŭjaŭlaju na luboj inšaj movie — sinchronna pierakładaŭ lekcyi. Adnojčy za takuju dziorzkaść mianie vyklikali da dyrektara.
Kali ja pracavaŭ u sakrataryjacie Biełaruskaha Čyrvonaha Kryža, kaleha «pradjaŭlała» mnie za toje, što ja nasiŭ vopratku z nacyjanalnymi elemientami.
Kali ja prachodziŭ sumoŭje na pazicyju dyrektara pa kamunikacyjach adnaho z bujnych aŭtadyleraŭ u Biełarusi, u mianie, čałavieka ź dźviuma vyšejšymi adukacyjami i MBA, spytali: «Počiemu v vašich socsietiach tak mnoho biełorusskoho jazyka?»
Na žal, hetych «kali…» było šmat.
Ja viedaju imiony kožnaha sa svaich prodkaŭ pačynajučy ad XVIII stahodździa. Usie jany biełarusy i karystalisia biełaruskaj movaj jak chatniaj.
Niešta nie tak siońnia ŭ našym hramadstvie z rodnaj movaj…»
Mikałaja zatrymali 13 sakavika. Spačatku jamu dali 12 sutak administracyjnaha aryštu, paśla nakinuli jašče 14 (abodva razy sudzili za toje, što jon nibyta «razmachvaŭ rukami ŭ RUUS»). Pa słovach sukamiernikaŭ, paviedamlała «Zierkało», chłopca dapytvali pa spravie ab zdradzie dziaržavie. Nieviadoma, ci vystaŭlenaje Mikałaju abvinavačańnie pa č. 1 art. 356 (zdrada dziaržavie), ale kali tak, jamu moža pahražać da 15 hadoŭ pazbaŭleńnia voli.
Čytajcie taksama:
«Kupałaŭcy» pradstaviać novy prajekt — pra 1930-ja. Pahladzieć možna budzie ŭžyvuju i anłajn
-
«Spačatku padumaŭ, što sabaka». U Biahomli nočču pa dvarach biehaŭ miadźviedź VIDEA
-
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
-
Skakali z 4 mietraŭ: litoŭskija pamiežniki pakazali, jak pakistancy i afhancy praryvajucca ź Biełarusi ŭ Litvu VIDEA
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu4
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Ried. A s kakimi niezavisimymi miedia on sotrudničał? Ili oni idut kak "i druhije"? Iz pieriečiślennych vižu dva hosudarstviennych i odno prikorytnoje.