U Navapołacku prajšli zatrymańni daktaroŭ u balnicy, kudy pryvozili Babaryku
U centralnaj haradskoj balnicy Navapołacka 17 maja prajšli masavyja zatrymańni lekaraŭ, paviedamiŭ telehram-kanał «Biełyja chałaty».
Siarod zatrymanych nazyvajucca chirurh Michaił Pačkoŭski, urołah Pavieł Stalmakoŭ, fielčar chutkaj dapamohi Natalla Pieršynionak, supracoŭnica UHD Ała Stalmakova, zahadčyca adździaleńnia hiniekałohii Iryna Vasiljeva.
Pavodle źviestak kanała, Pačkoŭskamu i Stalmakovu prysudzili pa 15 sutak, Pieršynionak i Vasiljevaj — pa 10 sutak, Stalmakovaj — štraf 100 bazavych vieličyń.
Adznačym, što ŭsie lekary pracujuć u balnicy, kudy pryvozili palitźniavolenaha Viktara Babaryku.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja bazavyja normy zakonnaści i marali.
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary