U Minskaj rehijanalnaj mytni patłumačyli paradak pieravozki najaŭnych hrošaj, kaštoŭnych papier i čekaŭ praź miažu.
Infarmacyju pryvodzić BiełTA.
Dekłaravać na mytni treba najaŭnyja hrošy i darožnyja čeki, kali ahulnaja suma pry ich adnačasovym uvozie na mytnuju terytoryju JEAES abo adnačasovym vyvazie pieravyšaje 10 tysiač dalaraŭ. Hrašovyja instrumienty, za vyklučeńniem darožnych čekaŭ, padlahajuć mytnamu dekłaravańniu niezaležna ad ich sumy.
Da hrašovych instrumientaŭ adnosiacca darožnyja čeki, veksali, čeki (bankaŭskija čeki), a taksama kaštoŭnyja papiery ŭ dakumientarnaj formie, jakija paćviardžajuć abaviazacielstva emitenta (daŭžnika) pa vypłacie hrašovych srodkaŭ i ŭ jakich nie paznačanaja asoba, što ažyćciaŭlaje takuju vypłatu.
Dekłaravać treba ŭsiu sumu najaŭnych hrošaj, darožnych čekaŭ i hrašovych instrumientaŭ, jakija pieravoziacca praź miažu. Čałaviek pavinien zapoŭnić pasažyrskuju mytnuju dekłaracyju. Kali ahulnaja suma takich najaŭnych pieravyšaje sumu ŭ 100 tysiač dalaraŭ, dadatkova treba padać dakumienty, jakija paćviardžajuć ich pachodžańnie.
Vybirać nieabchodna čyrvony kalidor.
Dekłarantami mohuć vystupać biełarusy i inšyja hramadzianie krainy JEAES, jakija dasiahnuli 16-hadovaha ŭzrostu, abo zamiežniki, jakija majuć na momant pierasiačeńnia mytnaj miažy JEAES prava vałodańnia, karystańnia i (abo) rasparadžeńnia ŭ dačynieńni da najaŭnych hrašovych srodkaŭ i (abo) hrašovych instrumientaŭ.
Za niezakonnaje pieramiaščeńnie hrošaj i čekaŭ praź miažu, a taksama niedekłaravańnie najaŭnych, jakija padlahajuć mytnamu dekłaravańniu, praduhledžanaja administracyjnaja i kryminalnaja adkaznaść. Tak, u vypadku niedekłaravańnia moža pahražać štraf u pamiery ad 5 da 30 bazavych vieličyń z kanfiskacyjaj niezadekłaravanych najaŭnych abo biez kanfiskacyi (č. 2 art. 15. 5 KaAP). Za niezakonnaje pieramiaščeńnie praz mytnuju miažu JEAES najaŭnych u bujnym pamiery — kryminalnaja adkaznaść u vyhladzie štrafu abo abmiežavańnia voli na termin ad 2 da 5 hadoŭ, abo pazbaŭleńnia voli na toj ža termin (č. 2 art. 228 KK).
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary