Minčanka Anhielina, jakaja prasiła ŭ Łukašenki kvateru za trojniu, atrymała žyllo
«Mary spraŭdžvajucca», — napisała ŭ storys 25‑hadovaja Anhielina Kaminskaja, jakaja paśla pieršaj ciažarnaści adrazu stała šmatdzietnaj maci.
Dahetul jany z mužam žyli ŭ baćkoŭskaj kvatery.
A ciapier atrymali svaju. «Našy dziaŭčatki i my sustreniem Novy hod ŭžo ŭ svaim novym žylli», — padzialiłasia ŭ instahramie Anhielina i pakazała klučy.
Dziaŭčyna padziakavała Łukašenku za toje, što «žyllovaje pytańnie nastolki dobra i chutka vyrašyłasia».
Da ciažarnaści Anhielina Kaminskaja pracavała miedsiastroj u reanimacyi ŭ minskaj radzilni №1, a taksama rabiła torty na zamovu.
Jaje muž, Stanisłaŭ Kaminski — staršy siaržant Departamienta achovy MUS.
28 žniŭnia Anhielina stała adrazu šmatdzietnaj maci. Na 35 tydni biełaruska naradziła troch dziaŭčynak vahoj 2130, 2050 i 1940 hramaŭ. Nazvali ich Stefanija, Jasienija i Jeva.
Napačatku vieraśnia Anhielina zapisała zvarot da Łukašenki z prośbaj dać joj kvateru — bo ŭ Hod biełaruskaj žančyny jana padaryła krainie troch cudoŭnych žančyn. Videa dziaŭčyny ŭ instahramie sabrała bolš za 7 miljonaŭ prahladaŭ.
Zvarot vyklikaŭ vialiki rezanans u biełaruskim hramadstvie. Adny zachaplalisia śmiełaściu Anhieliny, inšyja paličyli heta nachabstvam.
Na vypisku z RNPC «Maci i dzicia» pryjechali nie tolki svajaki i siabry siamji, ale i pradstaŭniki łukašenkaŭskaj «Biełaj Rusi». Apošnija padaryli siertyfikat na 2000 rubloŭ, kab nabyć kalasku dla trajniatak.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary