Upieršyniu takaja abutkovaja liniejka źjaviłasia ŭ 2020 hodzie razam ź inšaj brendavanaj pradukcyjaj pradpryjemstva. Tady boty vypuskalisia ŭ čornym i rudym kolerach. Praź niekatory čas jany stali papularnymi ŭ internecie i chutka raskupilisia. Ciapier BiełAZ vypuściŭ ich znoŭ.
Pa dyzajnie abutak nahadvaŭ znakamityja boty amierykanskaj kampanii Caterpillar, jakaja taksama vyrablaje ciažkuju budaŭničuju techniku. Pry hetym biełaruskija boty kaštavali značna tańniej — 240 rubloŭ.
U novaj partyi košt amal nie źmianiŭsia — 238 rubloŭ. Pakul dastupnyja tyja ž čorny i rudy kolery, ale nieŭzabavie vytvorca abiacaje dadać jašče i karyčnievy.
Boty zroblenyja z naturalnaj skury. Jany majuć amartyzacyjnuju vuściłku i padešvu z čepkim pratektaram. Vytvorca pazicyjanuje ich jak abutak dla horada, dačy, pajezdak i nieskładanych pachodaŭ.
Kamientary