Namieśnika dyrektara mazyrskaha kaledža asudzili za «sadziejničańnie ekstremizmu»
Vasil Kupracevič šmat hadoŭ pracavaŭ namieśnikam dyrektara pa vučebna-vytvorčaj pracy ŭ kaledžy Mazyra i byŭ tvaram svajoj ustanovy.
Vasilu Kupraceviču 53 hady, jon rodam z Žytkavičaŭ. U mužčyny jość žonka i darosłaja dačka.
Vasil skončyŭ Mazyrski piedahahičny ŭniviersitet i z taho času pracavaŭ u śfiery adukacyi. U 2005 hodzie Vasil atrymaŭ pasadu namieśnika dyrektara pa vučebna-vychavaŭčaj pracy ŭ Mazyrskim dziaržaŭnym kaledžy hieałohii. Heta adzinaja ŭ Biełarusi navučalnaja ŭstanova takoha profilu, jakaja rychtuje mašynistaŭ buravych ustanovak, łabarantaŭ chimičnaha analizu i inšych rabočych śpiecyjalistaŭ dla naftahazavaj i hieałahičnaj haliny.
Paźniej Kupracevič staŭ namieśnikam dyrektara pa vučebna-vytvorčaj pracy ŭ miascovym kaledžy budaŭnikoŭ. Mužčyna časta vystupaŭ u presie, pravodziŭ prafaryjentacyju i dapamahaŭ navučencam z raźmierkavańniem.
Pa-za pracaj Vasil zaŭziaty hrybnik, jaki lubić fatahrafavać. Taksama viadoma, što Kupracevič źjaŭlajecca palaŭničym i maje licenziju na zbroju.
Homielski abłasny sud vynies Vasilu abvinavaŭčy prysud pavodle častak 1 i 2 artykuła 361‑4 Kryminalnaha kodeksa Biełarusi — «sadziejničańnie ekstremisckaj dziejnaści». Jamu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Adbylisia masavyja narodnyja pratesty suprać dyktatury i falsifikacyi vybaraŭ. Na heta ŭłady adkazali represijami.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) zakranuli sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
Šmatlikija kryminalnyja spravy apošniaha času pa artykule ab «sadziejničańni ekstremizmu» byli źviazanyja sa «spravaj Hajuna».
«Biełaruski Hajun» — manitorynhavy OSINT-prajekt, jaki byŭ stvorany ŭ 2022 hodzie, kali Rasija praź Biełaruś napała na Ukrainu. Prajekt adsočvaŭ vajennuju aktyŭnaść rasijskich i biełaruskich vojskaŭ, abapirajučysia na infarmacyju ad biełarusaŭ. Kaardynavała jaho dziejnaść hrupa aktyvistaŭ na čale z Antonam Matolkam.
«Sprava Hajuna» pačałasia paśla taho, jak siłaviki zatrymali aktyvistku, jakaja niekalki hadoŭ žyła ŭ Biełarusi ŭ padpolli. U jaje mabilniku znajšli spasyłku na dałučeńnie ŭ bot Hajuna, jakuju joj dasyłali ŭ samym pačatku isnavańnia prajekta. Fatalnaja pamyłka była ŭ tym, što spasyłka była biesterminovaja. A tamu siłaviki zmahli padklučycca da bota i vypampavać adtul usiu infarmacyju. Jany atrymali paviedamleńni akaŭntaŭ, jakija pisali ŭ bot, a taksama ichnija ID i imiony karystalnikaŭ.
«Naša Niva» — bastyjon biełaruščyny
PADTRYMAĆCiapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary
Prodołžienije provodimoj s 2020 hoda sankcionnoj politiki nie riešajet problemy politzaklučiennych/rieprieśsij/diemokratičieskich institutov. No žielezno priviediet k połnomu ekonomičieskomu pohłoŝieniju Biełarusi. Ona i tak iz formalno niezavisimoho hosudarstva užie nie sattielit ili podkontrolnaja tierritorija, a połnociennaja kołonija ( pojezda jezdiat tolko v mietropoliju naprimier), ostałoś rubliki zamieniť i riefieriendum proviesti. Čto lehko mohut sdiełať kak hiknietsia tovariŝ, viezdie "svoi" ludi rasstavleny užie. To čto vy nazvali "fotočki instahramm" jedinstviennyj variant protivodiejstvija. Ili vy dumajetie, čto vy sobieriotie biełorusskuju osvoboditielnuju armiju? Poka krasno-zielenyj kamuflaž nie pieriejdiet Buh, etoho nie budiet, i na sčasťje, poka eto nie proizošło.
Tamu, musić, aničoha i nie majemo akramia łukašenkaŭskaha terora ŭ Biełarusi. Užo siomy hod. A hetyja biaskoncyja fotački, kamu patrebny, to niachaj u siabie ŭ prybiralni raźviesiać dy dalej vierać što ŭ hetym choć niejki sens ciapier jość. Nie baču anijakaj karyści dla biełarusaŭ ad hetych fotačak, akramia finansavańnia samoj "lidarki", jaje muža (jaki jašče i razborki pravodzić - chto ź ich u siamji hałoŭny), ofisa i inšych anikomu nie patrebnych (akramia samich finansujemych na čale z "prezidentki") kabinietaŭ dy kaardycyjnych radaŭ. A ŭ hety čas idzie sistemnaje źniščeńnie ŭ Biełarusi ŭžo nie pravoŭ i svabodaŭ biełarusaŭ (jakija tam pravy amal adrazu z momanta prychoda da ŭłady Łuki), a samaho biełaruskaha naroda. I zamiest padtrymki svajho naroda, to tych chto vymušany byŭ źjechać u zamiežža prymusili vieryć u "prezidentku", "lidarku" i "prosta krasavicu". I los BiełSata, jaki na dźvie traciny abrezali, za toje pastavili na čale "ministerku", anikoha aničomu nie navučyŭ. Cynična ŭsio heta i žachliva.