Ukrainca, jaki ŭčyniŭ raźniu ŭ katalickim klaštary ŭ Polščy, źmiaścili ŭ psichijatryčnuju balnicu
U Polščy sud pryznačyŭ trochmiesiačnaje papiaredniaje źniavoleńnie 31‑hadovamu hramadzianinu Ukrainy Iharu M., jakoha padazrajuć u napadzie z nažom na katalicki klaštar u Jarasłavie Padkarpackaha vajavodstva, piša Polsat. U vyniku napadu zahinuŭ śviatar, jašče čaćviora čałaviek byli paranienyja.
Rajonny sud u Jarasłavie ŭ subotu zadavoliŭ chadajnictva prakuratury ab aryšcie padazravanaha. Adnak mužčyna budzie znachodzicca pad aryštam va ŭmovach stacyjanara. U prakuratury paviedamili, što praz stan zdaroŭja padazravanaha jaho nie dastavili na sudovaje pasiadžeńnie.
Napiaredadni stała viadoma, što mužčyna znachodzicca ŭ psichijatryčnaj miedycynskaj ustanovie. Sudovyja psichijatry vyjavili ŭ jaho prykmiety vostrych šmatformnych psichatyčnych rasstrojstvaŭ. Pavodle prakuratury, u jaho nazirajucca mocnaje psichomatornaje ŭzbudžeńnie, dezarhanizacyja myśleńnia i adsutnaść łahičnaj suviazi. Ekśpierty ličać, što ciapier jon nie zdolny ŭdzielničać u sudovych pracedurach i maje patrebu ŭ lačeńni.
Pry hetym zaklučeńnie ekśpiertaŭ tyčycca tolki ciapierašniaha psichičnaha stanu Ihara M., a nie jaho stanu ŭ momant napadu. Jaho zdolnaść uśviedamlać svaje dziejańni padčas zdareńnia budzie acenienaja asobna.
Napad adbyŭsia ranicaj 24 vieraśnia na terytoryi Jarasłaŭskaha abactva na vulicy Bieniedykcinskaj. Ukrainiec z nažom napaŭ na čatyroch mužčyn i adnu žančynu. Adzin sa śviataroŭ zahinuŭ, astatnija paciarpiełyja atrymali ranieńni.
Pavodle polskaj prakuratury, pierad napadam mužčyna pryjechaŭ u Polšču z Hiermanii. Jon nakiroŭvaŭsia da pamiežnaha pierachodu va Ukrainu, ale miažu nie pierasiok. Paśla hetaha jon trapiŭ na terytoryju manastyra i zajšoŭ u kuchonnyja pamiaškańni, dzie, vierahodna, sustreŭ pieršych ludziej, na jakich paźniej napaŭ.
Polskija ŭłady raniej zajavili, što padazravanamu pahražaje surovaje pakarańnie.
Ciapier čytajuć
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie23
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary