Pry hetym stała bolš ździełak i z kvaterami koštam ad 100 tysiač dalaraŭ. Niekatoryja trendy akreśliŭ Realt.by.
Na rynku druhasnaha žylla ŭ mai dola kredytnych ździełak vyrasła da 32% — i heta vysoki pakazčyk.
— Takija ličby byli charakternymi dla 2019 hoda, kali pracentnyja staŭki trymalisia na ŭzroŭni 14,5% hadavych. Toj čas zapomniŭsia ŭsim jak spakojny: pakupniki nie bajalisia aktyŭna brać kredyty. U nastupnyja hady dola kredytnych ździełak apuskałasia da 4% i redka pieravyšała 17%, — kažuć u ahienctvie nieruchomaści «Tvaja stalica» Andrej Čarnyšoŭ. — U ciapierašni čas adyhrała rolu ŭ tym liku i źnižeńnie staŭki refinansavańnia.
Adnak niahledziačy na vialiki pracent kredytnych ździełak i dosyć vysokuju aktyŭnaść pakupnikoŭ, ahulny ŭzrovień popytu na kvatery ŭ mai nižejšy na 10-12% za maj minułaha hoda.
— Vynikovaja kolkaść ździełak, pa našych zdahadkach, budzie na ŭzroŭni kastryčnika minułaha hoda — kala paŭtary tysiačy, — kažuć u ahienctvie «Tvaja stalica». — Pa košcie my vyjšli na absalutnaja płato: niama ni padaražeńnia, ni patańnieńnia abjektaŭ. Pryblizna na raniejšym uzroŭni zastajecca pracent handlu — kala 4,5% — i termin prodažu. Heta ŭsio pakazčyki stabilna aktyŭnaha rynku. Naprykład, mienšy pakazčyk pa źnižcy naziraŭsia na ŭzroŭni 2,5-3,2% u kancy viasny 2018 hoda.
U minułym miesiacy my adznačali, što 35% usich ździełak ździajśniajucca mienš čym za dva tydni. Ciapier hety pakazčyk dasiahaje 36%. Adna z pryčyn paskareńnia ździełak chavajecca ŭ tym, što patańnieli kredyty.
Vyrasła taksama kolkaść ździełak z kvaterami daražejšymi za sto tysiač dalaraŭ. Zvyčajna ich u siarednim da 10% u miesiac, pa źviestkach Nacyjanalnaha kadastravaha ahienctva pa Minsku.
— U mai ž hety pakazčyk vyras i dasiahaje praktyčna 15%. Možna kazać, što ažyŭ rynak dosyć darahoj nieruchomaści,
— adznačyli ŭ ahienctvie «Pavierchi Forte».
Z ulikam stavak pa kredytach, jakija źnižajucca, u ahienctvie miarkujuć, što ŭ najbližejšy miesiac rynak budzie zastavacca takim ža enierhičnym.
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!30
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał88
Kamientary
Ale biełarus prystasujecca da luboha dzikunstva