Drama ŭ Bielhii: kamanda viała da 89-j chviliny, prapuściła try hały i ŭpuściła čempijonstva, jakoje čakała 88 hadoŭ
Čempijanat Bielhii pa futbole ŭ vyšejšaj lizie razyhryvajecca pa vielmi ŭnikalnaj schiemie.
Spačatku 18 kamandaŭ hulaje ŭ dva koły (34 tury). Potym čatyry kłuby, što zaniali miescy z 1-ha pa 4-je, pravodziać dvuchkruhavy turnir, kab vyznačyć čempijona i pryzioraŭ. Taksama pieršyja dźvie kamandy atrymlivajuć pucioŭki ŭ płej-of kvalifikacyi Lihi čempijonaŭ, treciaja — u kvalifikacyju Lihi Jeŭropy, čaćviortaja — u kvalifikacyju Lihi kanfierencyj.
Pravodzicca turnir i pamiž kamandami, jakija zaniali 5-je — 8-je miescy. Jany vyznačajuć adnu kamandu, jakaja trapić u kvalifikacyju Lihi kanfierencyj. Ale heta tut nie istotna.
Takim čynam, u čempijonskaj čaćviorcy pierad apošnim turam było nastupnaje stanovišča:
«Junijon» — 46 bałaŭ, «Antvierpien» — 46, «Hienk» — 45, «Bruhe» — 33.
Brusielski «Junijon» u apošnim tury hulaŭ na svaim poli z «Bruhe», a «Antvierpien» u haściach z «Hienkam».
«Junijon» vioŭ u liku 1:0 da 89-j chviliny, ale ŭmudryŭsia prapuścić try miačy za 12 chvilin (2 asnoŭnaha času i 10 dadadzienych) i ŭpuściŭ čempijonstva. Apošni raz kamanda była čempijonam krainy ŭ dalokim 1935 hodzie.
U druhim matčy «Antvierpien» i «Hienk» zhulali ŭničyju 2:2, i «Antvierpien» upieršyniu z 1957 hoda staŭ čempijonam.
«Antvierpien» — 47, «Hienk» — 46, «Junijon» — 46, «Bruhe» — 36.
«Hienk» abyšoŭ «Junijon» pa dadatkovych pakazčykach.
U vyniku «Junijon» nie trapiŭ navat u kvalifikacyju Lihi čempijonaŭ i budzie zmahacca ŭ płej-of Lihi Jeŭropy.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie4
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary
Dziakuj, tata