Драма ў Бельгіі: каманда вяла да 89-й хвіліны, прапусціла тры галы і ўпусціла чэмпіёнства, якое чакала 88 гадоў
Чэмпіянат Бельгіі па футболе ў вышэйшай лізе разыгрываецца па вельмі ўнікальнай схеме.
Спачатку 18 камандаў гуляе ў два колы (34 туры). Потым чатыры клубы, што занялі месцы з 1-га па 4-е, праводзяць двухкругавы турнір, каб вызначыць чэмпіёна і прызёраў. Таксама першыя дзве каманды атрымліваюць пуцёўкі ў плэй-оф кваліфікацыі Лігі чэмпіёнаў, трэцяя — у кваліфікацыю Лігі Еўропы, чацвёртая — у кваліфікацыю Лігі канферэнцый.
Праводзіцца турнір і паміж камандамі, якія занялі 5-е — 8-е месцы. Яны вызначаюць адну каманду, якая трапіць у кваліфікацыю Лігі канферэнцый. Але гэта тут не істотна.
Такім чынам, у чэмпіёнскай чацвёрцы перад апошнім турам было наступнае становішча:
«Юніён» — 46 балаў, «Антверпен» — 46, «Генк» — 45, «Бругэ» — 33.
Брусельскі «Юніён» у апошнім туры гуляў на сваім полі з «Бругэ», а «Антверпен» у гасцях з «Генкам».
«Юніён» вёў у ліку 1:0 да 89-й хвіліны, але ўмудрыўся прапусціць тры мячы за 12 хвілін (2 асноўнага часу і 10 дададзеных) і ўпусціў чэмпіёнства. Апошні раз каманда была чэмпіёнам краіны ў далёкім 1935 годзе.
У другім матчы «Антверпен» і «Генк» згулялі ўнічыю 2:2, і «Антверпен» упершыню з 1957 года стаў чэмпіёнам.
«Антверпен» — 47, «Генк» — 46, «Юніён» — 46, «Бругэ» — 36.
«Генк» абышоў «Юніён» па дадатковых паказчыках.
У выніку «Юніён» не трапіў нават у кваліфікацыю Лігі чэмпіёнаў і будзе змагацца ў плэй-оф Лігі Еўропы.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары
Dziakuj, tata