Pahrukała z truny: u Ekvadory žančyna «ažyła» padčas ułasnych chaŭtur
Miedsiastra-piensijanierka Beła Mantoja była špitalizavanaja paśla mahčymaha insultu. Daktary kanstatavali jaje śmierć.
Miedsiastra-piensijanierka 76-ci hadoŭ Beła Mantoja była špitalizavanaja 9 červienia paśla mahčymaha insultu, paviedamlaje «Jeŭrapiejskaja praŭda».
U žančyny adbyłosia kardyjareśpiratornaje spynieńnie dychańnia i pracy serca. Jana nie reahavała na reanimacyjnyja mierapryjemstvy, tamu dziažurny doktar kanstatavaŭ śmierć.
Siamja adviezła cieła ŭ pachavalnaje biuro, jaje pakłali ŭ trunu, a zatym zładzili pachavańnie, jak raptam usie zaprošanyja pačuli dziŭnyja huki.
Syn žančyny Žylbierta Barbiera raspavioŭ, što ŭ trunie pačało niešta hrymieć, i ŭsie svajaki spałochalisia.
«Nas było kala 20 čałaviek. Prykładna praź piać hadzin paśla paminak truna pačała vydavać huki. Maja mama była zahornutaja ŭ praściny i biłasia ab trunu, a kali my padyšli, to ŭbačyli, što jana ciažka dychaje», — uspaminaje mužčyna.
Svajaki advieźli Bełu ŭ balnicu. Ministr achovy zdaroŭja Ekvadora paviedamiŭ, što jana znachodzicca ŭ intensiŭnaj terapii.
Adnak daktary nie dajuć svajakam abnadziejlivych prahnozaŭ.
U miedycynskaj ustanovie, jakaja kanstatavała śmierć žančyny, pačali rasśledavańnie.
Taksama Ministerstva achovy zdaroŭja Ekvadora stvaryła techničny kamitet dla pravierki taho, jak balnica vydaje paśviedčańni ab śmierci.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1616
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru16
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary