Медсястра-пенсіянерка Бэла Мантоя была шпіталізаваная пасля магчымага інсульту. Дактары канстатавалі яе смерць.
Медсястра-пенсіянерка 76-ці гадоў Бэла Мантоя была шпіталізаваная 9 чэрвеня пасля магчымага інсульту, паведамляе «Еўрапейская праўда».
У жанчыны адбылося кардыярэспіраторнае спыненне дыхання і працы сэрца. Яна не рэагавала на рэанімацыйныя мерапрыемствы, таму дзяжурны доктар канстатаваў смерць.
Сям'я адвезла цела ў пахавальнае бюро, яе паклалі ў труну, а затым зладзілі пахаванне, як раптам усе запрошаныя пачулі дзіўныя гукі.
Сын жанчыны Жыльберта Барбера распавёў, што ў труне пачало нешта грымець, і ўсе сваякі спалохаліся.
«Нас было каля 20 чалавек. Прыкладна праз пяць гадзін пасля памінак труна пачала выдаваць гукі. Мая мама была загорнутая ў прасціны і білася аб труну, а калі мы падышлі, то ўбачылі, што яна цяжка дыхае», — успамінае мужчына.
Сваякі адвезлі Бэлу ў бальніцу. Міністр аховы здароўя Эквадора паведаміў, што яна знаходзіцца ў інтэнсіўнай тэрапіі.
Аднак дактары не даюць сваякам абнадзейлівых прагнозаў.
У медыцынскай установе, якая канстатавала смерць жанчыны, пачалі расследаванне.
Таксама Міністэрства аховы здароўя Эквадора стварыла тэхнічны камітэт для праверкі таго, як бальніца выдае пасведчанні аб смерці.
-
Кіруючая партыя Германіі хоча высылаць сірыйцаў, якія беглі ад грамадзянскай вайны, назад на радзіму — нават рэгулярнымі рэйсамі
-
Еўракамісія пачала расследаванне з-за тыктокаў, створаных з дапамогай штучнага інтэлекту, якія заклікаюць да выхаду Польшчы з ЕС
-
Дзмітрый Мядзведзеў: Фінляндыі давядзецца заплаціць за сваю мярзотную русафобію
Каментары