Piaskoŭ abvierhnuŭ słovy Łukašenki pra toje, što RF i Ukraina abmiarkoŭvali arendu Kryma
U intervju telekanału «Rasija 1» Łukašenka raskazaŭ, jak arhanizoŭvalisia pieramovy pamiž Rasijaj i Ukrainaj. Pavodle słoŭ Alaksandra Łukašenki, niemałuju rolu ŭ hetym adyhraŭ jaho syn Mikałaj, jaki dapamoh arhanizavać telefonnuju razmovu z Uładzimiram Zialenskim. Pa vynikach doŭhaj razmovy ŭkrainski prezident pahadziŭsia na pieramovy na terytoryi Biełarusi. Paśla troch raŭndaŭ ich pieranieśli ŭ Stambuł.
«Pucin mnie pieradaje dakumient, jaki delehacyi parafiravali. Narmalny, navat pa Krymie — arenda tam niejkaja praciahłaja, pa Danbasie, na ŭschodzie… Narmalnaja damova. Kali b heta ciapier — a ciapier užo niemahčyma. Ciapier heta ŭžo terytoryja Rasii pavodle Kanstytucyi. A byŭ narmalny prajekt, i ŭžo damaŭlalisia, što MZS parafiruje i dalej pavinny vyznačycca kiraŭniki dziaržaŭ, padpisvać i inšaje. Dobry byŭ praces, ale jany ad jaho admovilisia», — skazaŭ Alaksandr Łukašenka.
Pres-sakratara rasijskaha lidara spytali, ci sapraŭdy abmiarkoŭvałasia takaja mahčymaść.
«Nie, heta nie tak», — adkazaŭ Piaskoŭ.
«Krym — heta nieadjemnaja častka Rasijskaj Fiederacyi, heta rasijski rehijon», — padkreśliŭ aficyjny pradstaŭnik Kramla.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA56
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary