Dziaŭčyna z Bresta damahłasia praz prakuraturu admieny štrafu za bieźbiletny prajezd
19-hadovaja žycharka Bresta vyrašyła asprečyć rašeńnie, pa jakim jaje pryciahnuli da administracyjnaj adkaznaści za prajezd u haradskim aŭtobusie bieź bileta. Joj udałosia pierakanać u svajoj racyi prakuraturu.
Žycharku Bresta aštrafavali ŭ aŭtobusie za bieźbiletny prajezd, jak jana paličyła, niespraviadliva. Šukajučy praŭdy, dziaŭčyna źviarnułasia ŭ prakuraturu horada i paprasiła ŭmiašacca ŭ situacyju.
Vyśvietliłasia, što ŭ mai 2023 hoda na dziaŭčynu nakłali administracyjnaje spahnańnie. Jaje abaviazali zapłacić štraf u pamiery 0,5 bazavaj vieličyni za bieźbiletny prajezd u haradskim aŭtobusie. Heta praduhledžana častkaj 1 artykuła 18.28 Kodeksa Respubliki Biełaruś ab administracyjnych pravaparušeńniach.
Sama dziaŭčyna patłumačyła, što ŭ toj dzień jechała ŭ tralejbusie, jaki spyniŭsia praz ramont darohi. Dalej tralejbus pa svaim maršrucie nie pajechaŭ, tamu jana pierasieła ŭ aŭtobus. Tak jak prajezd jana ŭžo apłaciła, a nie dajechała da miesca nie pa svajoj vinie, to praciahnuła ruch pa raniej prakampastavanym kvitku.
Kantralor, adnak, hetuju akaličnaść uziać pad uvahu admoviŭsia i aformiŭ na dziaŭčynu administracyjnaje spahnańnie za bieźbiletny prajezd.
Miž tym u prakuratury rastłumačyli, što treba kiravacca Praviłami pieravozak pasažyraŭ haradskim elektryčnym transpartam. U punkcie 26 hetaha dakumienta havorycca pra situacyju, kali pieravozčyk prypyniŭ pieravozku pasažyraŭ. U vypadku, kali heta adbyvajecca z techničnych abo ź inšych pryčyn, to prajaznyja dakumienty buduć sapraŭdnyja na inšy srodak transpartu. Jany datyčać hetaha maršrutu abo napramku, vykananaha pieravozčykam na praciahu dnia.
Tamu była zroblena vysnova, što pravy pasažyrki parušanyja. U vyniku namieśnik prakurora horada Bresta admianiŭ pastanovu KUP «Brescki hramadski transpart» ab nakładańni spahnańnia. Akramia taho, na patrabavańnie prakuratury inicyjavana pytańnie ab pryciahnieńni vinavataj słužbovaj asoby pradpryjemstva da dyscyplinarnaj adkaznaści.
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary