«Biełaruski Hajun» nie zaŭvažaŭ, kab u Biełaruś pieramiaščałasia jadziernaja zbroja
Manitorynhavaja hrupa «Biełaruski Hajun» adreahavała na siońniašniuju zajavu Uładzimira Pucina pra toje, što ŭ Biełaruś nibyta ŭžo dastaŭleny pieršyja jadziernyja zarady. Pavodle źviestak «Biełaruskaha Hajuna», pra toje, što na terytoryju našaj krainy apošnim časam zavozili takuju zbroju, ničoha nie śviedčyć.
«Biełaruski Hajun» nie vałodaje nijakaj paćviardžalnaj infarmacyjaj ab pačatku realnaha pieramiaščeńnia taktyčnaj jadziernaj zbroi ŭ Biełaruś», — śćviardžaje manitorynhavaja hrupa, źviartajučy ŭvahu, što zajavy na hetuju temu, jakija rabili Pucin i Łukašenka ciaham apošnich miesiacaŭ, časta supiarečyli adna adnoj.
Heta moža śviedčyć pra:
«1) adsutnaść u Łukašenki ŭsioj infarmacyi i kantrolu nad pracesam raźmiaščeńnia taktyčnaj jadziernaj zbroi ŭ Biełarusi;
2) uzhodnienuju pamiž Pucinym i Łukašenkam kampaniju pa dezynfarmacyi z metaj, da prykładu, stvareńnia palityčnaha cisku napiaredadni samitu NATA ŭ Vilni i ŭkrainskaha kontrnastupleńnia».
Taksama «Biełaruski Hajun» padkreślivaje, što ŭ siońniašniaj zajavie Pucin nie ŭdakładniŭ typu bojeprypasaŭ, jakija, pavodle jaho, pieramiaścili ŭ Biełaruś. Raniej anansavałasia pieradača bojeprypasaŭ dla vykarystańnia šturmavikami Su-25 i ATRK «Iskander», a imaviernym sposabam dastaŭki nazyvałasia čyhunka. Pry hetym takoha pieramiaščeńnia pakul što zaŭvažana nie było.
«Lubymi dastupnymi srodkami zabiaśpiečyć likvidacyju režymu Łukašenki». Łatuška zrabiŭ zajavu z nahody raźmiaščeńnia ŭ Biełarusi jadziernaj zbroi
Stołtenbierh pra raźmiaščeńnie jadziernaj zbroi ŭ Biełarusi: NATA bačyć padrychtoŭku
Dziarždep pra jadziernuju zbroju RF u Biełarusi: Łukašenka addaje Kramlu ŭsio bolš kantrolu
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary