«Ich bijahrafii metanakiravana mifałahizujucca». Prezident Kazachstana vykazaŭsia suprać prysvajeńnia abjektam imionaŭ savieckich dziejačaŭ
Prezident Kazachstana Kasym-Žamart Takajeŭ zaklikaŭ spynić «praktyku prysvajeńnia roznym abjektam imionaŭ dziejačaŭ savieckaha pieryjadu». Pra heta kiraŭnik dziaržavy zajaviŭ, vystupajučy ŭ subotu na nacyjanalnym kurułtai ŭ Turkiestanie, pieradaje Tengrinews.kz.
«Najvažniejšym ideałahičnym instrumientam, jakija majuć vialikaje značeńnie dla ŭmacavańnia histaryčnaj samaśviadomaści, taksama źjaŭlajecca anamastyka. Nieabchodna spynić praktyku prysvajeńnia roznym abjektam imionaŭ dziejačaŭ savieckaha pieryjadu, bijahrafii jakich metanakiravana mifałahizujucca, kab dahadzić čyimści asabistym intaresam i pieravaham.
Pa słovach Takajeva, u śfiery anamastyki patrabujecca navieści paradak, i praca ŭ hetym kirunku pavinna vieścisia kompleksna, paśladoŭna i centralizavana.
«Anamastyka — heta nie sprava naščadkaŭ i svajakoŭ našych prodkaŭ abo viadomych asob, heta prerahatyva dziaržavy. Usie anamastyčnyja pracedury treba dakładna rehłamientavać z ulikam nie tolki rehijanalnych asablivaściaŭ, ale i ahulnanacyjanalnych pryjarytetaŭ», — zajaviŭ prezident Kazachstana.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec8
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1616
Kamientary
Pod eto i vierstajetsia vsio.