Dziesiacihadovaja školnica za adzin siezon zabiła bolš hałoŭ, čym Mbape, Kiejn i Chołan razam uziatyja
Školny trenier navat zdymaŭ dziaŭčynku z hulniaŭ, kab dać narmalna pahulać inšym dzieciam.
Napadajučaja školnica-futbalistka z Paŭdniovaha Uelsa Amielija Morys, jakoj 10 hadoŭ, za hety siezon zabiła 143 hały. Jaje navat davodziłasia zdymać z hulniaŭ, kab dać šaniec inšym kamandam, bo Amielija mahła zabivać pa 10 hałoŭ za matč. Pra heta 7 červienia napisała vydańnie The Mirror sa spasyłkaj na miascovyja miedyja.
Dla paraŭnańnia: takija suśvietna viadomyja futbolnyja hulcy, jak Kilijan Mbape (forvard PSŽ, jaki choča pierajści ŭ «Reał»), Erlinh Chołan (forvard «Mančester Sici», jakoha pryznali najlepšym hulcom hetaha siezona APŁ) i Hary Kiejn (forvard «Totenchem Chotspur», samy vysokaapłatny futbalist śvietu na momant 2018 hoda) u sukupnaści za hety siezon zabili tolki 113 hałoŭ, jak adznačaje vydańnie.
Tata talenavitaj dziaŭčynki, jaki pa sumiaščalnictvie i jaje hałoŭny trenier, skazaŭ, što jaje pośpiechi — heta vynik ciažkaj pracy i pryrodnaha talentu jaho dački, adnak usio ž taki jon musiŭ źniać Amieliju z hulniaŭ dla taho, kab krychu vyraŭnavać lik pamiž kamandami.
«Jana trenirujecca kožny dzień, i ŭ jaje šmat pryrodnych talentaŭ. Ja abjeździŭ ź joj uvieś Paŭdniovy Uels i, ščyra kažučy, nikoli i nikoha nie bačyŭ padobnaha da Amielii. Kožny druhi trenier z kožnaj kamandy, ź jakoj my hulali, padychodziŭ da mianie i pytaŭsia, chto hetaja dziaŭčynka i adkul jana», — kaža tata talenavitaj dziaŭčynki.
Sama Amielija zajaŭlaje, čto jašče z naradžeńnia šturchaje nahoj miač i joj «vielmi padabajecca zabivać hały». Dziaŭčynka natchniajecca napadajučym «Livierpula» Machamiedam Sałacham i ŭ budučyni maryć hulać u jaho kamandzie abo va «Uelsie».
U dadatak da hetaha Amielija zajmajecca kikboksinham i ŭžo ŭziała čatyry załatyja miedali na roznych čempijanatach pa hetym vidzie sportu.
Ciapier čytajuć
Taksistka z Tadžykistana naśmierć źbiła biełarusku ŭ Polščy — i spakojna pakinuła krainu24
Kamientary