Łukašenka nazvaŭ duraściami publikacyi ŭ zachodnich ŚMI pra vajennuju pahrozu z boku Rasii i Biełarusi
Palityk siońnia pravioŭ naradu ź siłavikami pa vynikach pravierki bajavoj i mabilizacyjnaj hatoŭnaści 7‑j asobnaj śpiecyjalnaj milicejskaj bryhady ŭnutranych vojskaŭ MUS.
«Vy, napeŭna, zaŭvažyli, što apošnim časam u ŚMI našy zachodnija tak zvanyja partniory nadajuć pilnuju ŭvahu tamu, što adbyvajecca va ŭzbrojenych siłach našaj krainy. Ich pierš za ŭsio zaniepakoiŭ toj fakt, što my zanadta časta, vielmi pradmietna i intensiŭna pravodzim pravierki častak uzbrojenych sił. Nie tolki armii, ale i ŭsich uzbrojenych sił», — adznačyŭ Łukašenka.
«U suviazi z hetym, karystajučysia ciapierašnim vypadkam, chaču skazać im, što nijakaj nadzvyčajščyny tut niama. Ščyra i adkryta ja skazaŭ, što my rychtujemsia da vajny, kab jaje paźbiehnuć. My ni na kaho napadać nie źbirajemsia, jak apošnim časam u ŚMI našy zachodnija «siabry» razharnuli kampaniju pra toje, što Rasija napadzie jak minimum na krainy Bałtyi, mahčyma, na Polšču z terytoryi Biełarusi i razam ź Biełaruśsiu», — zajaviŭ Alaksandr Łukašenka.
«Druhi kirunak ich krytyki tak zvanaj Biełarusi — nibyta my źbirajemsia prabić Suvałkaŭski kalidor u napramku Kalininhradskaj vobłaści. Ja nie chaču tut pierad imi apraŭdvacca. Heta poŭnyja duraści», — dadaŭ jon.
Taksama Łukašenka zajaviŭ, što incydent ź nibyta praniknieńniem uzbrojenaj hrupy ź Biełarusi ŭ Łatviju byŭ insceniravany.
«My vydatna viedajem, mnie ŭžo dałažyli, što ŭsio heta było zroblena samimi łatyšami jak infarmacyjnaja nahoda, kab atrymać hrošy ad Jeŭrapiejskaha sajuza. My da hetaha nijakaha dačynieńnia nie majem. Što my tam (nibyta) pranikli na ich terytoryju — ludzi ŭ maskach, vajskoŭcy — kahości schapili, zachapili abo zapichnuli tudy niejkuju hrupu mihrantaŭ. Bolšaj duraści nie prydumaješ», — skazaŭ jon.
Na minułym tydni łatvijskija ŚMI paviedamili pra pravakacyju na miažy ź Biełaruśsiu.
Spačatku ludzi ŭ čornym adzieńni, z tvarami, schavanymi pad maskami, mierkavana ŭzbrojenyja, vyšturchoŭvali mihrantaŭ na łatvijski bok.
Paźniej takija ž ludzi pierasiekli miažu i skrali kamiery videanazirańnia, paśla čaho viarnulisia na terytoryju Biełarusi.
Paśla ŭ internecie źjaviŭsia videarolik ad imia niejkaj arhanizacyi «Čornyja rusy», jakaja ŭziała na siabie adkaznaść za hety incydent.
Ciapier čytajuć
Hety małady biełarus stajaŭ la vytokaŭ ChatGPT. Voś što jon zrabiŭ1
Kamientary