Siońnia, 21 červienia, pravaabarončaja supolnaść Biełarusi pryznała žychara Lidy Vitala Čarnavusava palityčnym źniavolenym. Doŭhi čas pravaabaroncy nie vałodali infarmacyjaj ab padrabiaznaściach kryminalnaj spravy Vitala, ale ciapier daviedalisia, što jon za danaty ŭ fond padtrymki represavanych asudžany na piać hadoŭ kałonii.
32-hadovaha Vitala zatrymali 25 lipienia 2022 hoda i vystavili abvinavačańnie ŭ finansavańni dziejnaści ekstremisckaha farmavańnia (pa č. 1 i č. 2 art. 361-2 KK). 8 śniežnia minułaha hoda Minski haradski sud asudziŭ jaho za danaty ŭ adzin z fondaŭ, jaki padtrymlivaje achviar palityčna matyvavanych represij.
Sudździa Viera Hałaŭkova pryznała Vitala vinavatym i pakarała pazbaŭleńniem voli ŭ kałonii va ŭmovach ahulnaha režymu terminam na piać hadoŭ. Aprača taho, mužčynu prysudžany štraf u pamiery 15 000 rubloŭ, što składaje prykładna 4 700 jeŭra.
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary