U Homielskaj vobłaści praciahvajuć sudzić za «abrazu Łukašenki», «ahienturnuju dziejnaść», «zdradu dziaržavie»
Na hetym tydni ŭ sudach Homielskaj vobłaści viaducca vosiem pracesaŭ pa kryminalnych spravach, źviazanych z palityčnaj abstanoŭkaj u krainie. Sudziać 6 mužčyn i 2 žančyn.
Šeść z hetych spraŭ viaducca ŭ Homielskim abłasnym sudzie. Tut praciahvalisia zakrytyja pracesy nad Siarhiejem Bojkam (19 červienia, «ahienturnaja dziejnaść») i Uładzisłavam Pudziakom (20 červienia, «zdrada dziaržavie»), a taksama praces pa spravie, u jakoj abvinavačany — Viačasłaŭ Niahodzienka (20 červienia, «sadziejańnie ekstremisckaj dziejnaści»), jak piša «Homielskaja viasna».
23 červienia adbudziecca zakrytaje pasiadžeńnie pa spravie suprać Viačasłava Hacmana, jaki, na mierkavańnie ŭładaŭ, «abraziŭ Łukašenku», «reabilitavaŭ nacyzm», «raspalvaŭ varožaść» i «sadziejničaŭ ekstremisckaj dziejnaści».
U hetym ža sudzie na hetym tydni razhladajucca jašče 2 spravy.
Palityčny źniavoleny Dźmitryj Łahucienka z Rahačova abvinavačany pa častcy 1 artykuła 130 KK («Raspalvańnie varožaści», i č. 1 art. 368 — «Abraza Łukašenki». Pasiadžeńnie adbyłosia 19 červienia, razhladaje spravu sudździa Alaksandr Piskunoŭ.
Siarhiej Rudziankoŭ z Čačerska abvinavačvajecca pa 4 artykułach: č. 1 art. 130 («Raspalvańnie varožaści»), č. 1 i 2 art. 361-4 — «Sadziejańnie ekstremisckaj dziejnaści», č. 1 art. 368 — «Abraza Łukašenki», i art. 369 — «Abraza pradstaŭnika ŭłady». Pasiadžeńnie suda pa hetaj spravie prajšło 20 červienia, spravu viadzie sudździa Rusłan Caruk.
Sudy pa spravach Dźmitryja Łahucienki i Siarhieja Rudziankova viaducca ŭ zakrytym režymie.
Akramia taho, palityčna matyvavanyja spravy suprać dźviuch žančyn razhladalisia ŭ sudzie Žłobinskaha rajona. Ich abvinavacili ŭ «hrubym parušeńni hramadskaha paradku» (pratesnych akcyjach).
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary