NATO daviadziecca ŭmacavać uschodniuju miažu, kali Pryhožyn apyniecca ŭ Biełarusi — prezident Litvy
Pra heta Hitanas Naŭsieda zajaviŭ paśla pasiadžeńnia Rady dziaržaŭnaj biaśpieki Litvy, na jakim abmiarkoŭvali sprobu buntu «vahnieraŭcaŭ», jak piša The Guardian.
«Kali Pryhožyn abo častka hrupy «Vahniera» apyniecca ŭ Biełarusi ź niezrazumiełymi płanami i niezrazumiełymi namierami, heta budzie aznačać tolki toje, što nam treba jašče bolš uzmacnić biaśpieku našych uschodnich miežaŭ», — skazaŭ prezident Litvy.
U subotu Naŭsieda adreahavaŭ na padziei ŭ Rasii, dzie najmity z «hrupy Vahniera» zładzili ŭzbrojeny miaciež.
«Toje, što ja prahnazavaŭ u pačatku ahresii suprać Ukrainy, siońnia stanovicca realnaściu. Kryvavaja vajna Rasii bumieranham viarnułasia ŭ Rasiju.
Zastajecca tolki škadavać, što heta nie paŭstańnie hramadzianskaj supolnaści, a pryvatnaje vojska, sabranaje ŭ turmach, ale što pasieješ, toje i pažnieš.
Kramloŭski režym sutyknuŭsia z tym, što sam ža i stvaryŭ», — kanstatavaŭ prezident Litvy
***
23 červienia Pryhožyn abviaściŭ, što idzie «na Maskvu», bo nie choča, kab kraina žyła «ŭ karupcyi i chłuśni». Jon zaklikaŭ nie supraciŭlacca najmitam, inakš jany buduć źniščać usich, chto im budzie zaminać.
Užo ranicaj «vahnieraŭcy» ŭziali pad kantrol častku vajskovych abjektaŭ Rastova-na-Donie i vysunulisia ŭ bok Maskvy, prajšoŭšy Varoniežskuju, Lipieckuju i Tulskuju vobłaści.
U Rasii raspačali suprać jaho spravu, Pucin nazvaŭ heta zdradaj, a ŭ Maskvie i vobłaści ŭviali režym kontrterarystyčnaj apieracyi.
Adnak užo ŭviečary Pryhožyn abviaściŭ, što razvaročvaje kałony i idzie nazad. U Kramli zajavili, što spravu suprać jaho zakryjuć, sam vierchavod PVK «pojdzie ŭ Biełaruś». Taksama jany paabiacali nie pieraśledavać jaho najmitaŭ. Heta stała nibyta śledstvam pieramovaŭ Pryhožyna z Alaksandram Łukašenkam. A sama PVK «Vahnier» pojdzie ŭ Biełaruś.
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary