Premjer-ministr Vienhryi zajaviŭ, što Ukraina bolš nie suvierennaja dziaržava, bo stała zaležnaj ad padtrymki Zachadu.
Premjer-ministr Vienhryi zajaviŭ, što Ukraina bolš nie suvierennaja dziaržava, bo stała zaležnaj ad padtrymki Zachadu. Pra heta jon raskazaŭ u intervju niamieckamu vydańniu Bild, jak paviedamlaje «Jeŭrapiejskaja praŭda».
Orban kazaŭ, što vystupaje za chutčejšaje spynieńnie ahniu va Ukrainie. Pry hetym jon, ź jahonych słoŭ, viedaje, što kiraŭnictva Ukrainy imkniecca da vyzvaleńnia ŭsich akupavanych Rasijaj terytoryj.
«Ale sapraŭdy važna toje, što chočuć rabić amierykancy. Ukraina bolš nie suvierennaja dziaržava. U ich niama hrošaj. U ich niama zbroi. Jany mohuć vajavać tolki tamu, što my ich padtrymlivajem na Zachadzie. Tamu kali amierykancy vyrašać, što chočuć miru, mir budzie», — skazaŭ vienhierski premjer.
Orban skazaŭ, što viera ŭ zdolnaści Ukrainy vyjhrać vajnu źjaŭlajecca poŭnym nierazumieńniem situacyi.
«Ja dumaju, što razumieńnie, što ŭkraincy zmahajucca na pieradavoj, a my padtrymlivajem ich finansava, infarmacyjaj, instrumientami i što jany mohuć vyjhrać vajnu suprać Rasii, — heta niapravilnaje ŭśviedamleńnie situacyi. Heta niemahčyma… Ja kažu pra kaniec vajny, i prablema ŭ tym, što va ŭkraincaŭ skončacca sałdaty raniej, čym u rasiejcaŭ, i heta budzie vyrašalnym faktaram», — skazaŭ Orban.
Jon zapeŭniŭ, što nie choča zdacca čałaviekam, «jaki nie spadziajecca, što ŭkraincy majuć šaniec vyžyć». «Ale ja staju na hlebie realnaści. A realnaść takaja, što supracoŭnictva pamiž Ukrainaj i Zachadam pravaliłasia», — ličyć vienhierski premjer.
Orban ličyć, što adziny sposab vyratavać ukraincaŭ — heta pačać pieramovy z rasiejcami, damovicca pra architekturu biaśpieki «i znajści miesca dla Ukrainy ŭ hetaj novaj architektury biaśpieki».
U kancy intervju Orban adznačyŭ, što tolki ŭkraincam prymać rašeńnie ab vajnie, pakolki «heta vyklučna sprava ŭkrainskaha naroda».
«Tamu ja b paraiŭ im rabić akurat toje, što budzie lepšym dla ich. Ale što dla ich lepšaje za ŭsio, jany pavinny vyznačyć sami. Nichto inšy nie moža vyznačyć heta. Tamu što jany niezaležnaja, hanarlivaja nacyja i kraina», — skazaŭ Orban.
Orban taksama zajaviŭ, što ŭvažaje za niavažnuju padzieju miaciež pryvatnaj vajskovaj kampanii «Vahnier» u Rasii.
-
Izrail vysyłaje «Lekaraŭ bieź miežaŭ» ź siektara Haza. Miedyki admovilisia davać imiony svaich ludziej u ruki siłavikoŭ, aścierhajučysia represij suprać piersanału
-
Abaranić Izrail i arabskich sajuźnikaŭ. ZŠA nie ŭdarać pa Iranie, pakul nie załatajuć dzirki ŭ SPA
-
Tramp vyrašyŭ pabudavać u Vašynhtonie hihanckuju tryumfalnuju arku, jakaja budzie bolšaj za paryžskuju
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary