U Naraŭlanskim rajonie za adnu noč źnikła 13 kanalizacyjnych lukaŭ. Kab złavić złamyśnikaŭ, milicyja praviarnuła cełuju apieracyju
Zdareńnie adbyłosia ŭ adnoj ź viosak nočču 10 maja.
Jak paviedamlaje milicejski telehram-kanał, apieratyŭniki kryminalnaha vyšuku RAUS prarabili vielizarny abjom pracy, kab vyjści na śled złamyśnikaŭ.
Vyśvietliłasia, što da kradziažu majuć dačynieńnie troje žycharoŭ Naroŭli i 24-hadovy žychar adnoj ź viosak Vilejskaha rajona, jaki pryjechaŭ da ich pahaściavać.
Mužčyn źviazvała adno — usie jany byli raniej sudzimyja. Brała ŭ hetym udzieł i 27-hadovaja žančyna, žonka adnaho ź ich.
Kvartet poŭnym składam poźniaj nočču vyjechaŭ na rajon, dzie i dastavaŭ viečki raniej ablubavanych lukaŭ. Udałosia vydrać i dva čyhunnyja korpusy. Skradzienaje mužčyny zdavali skupščykam mietału.
Kiravaŭ «apieracyjaj» 63-hadovy piensijanier, jaki tolki za apošnija dva hady 31 raz pryciahvaŭsia da administracyjnaj adkaznaści. Pałova ź ich — za drobny kradziež. U jaho aktyvie parušeńnie antyałkaholnaha zakanadaŭstva i PDR, nievykanańnie patrabavańniaŭ previentyŭnaha nahladu abo prafiłaktyčnaha nazirańnia.
Jon byŭ raniej asudžany za kradziež, učynieny hrupaj asob, i nievykanańnie patrabavańniaŭ previentyŭnaha nahladu.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju1
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski44
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski4
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary