У Нараўлянскім раёне за адну ноч знікла 13 каналізацыйных люкаў. Каб злавіць зламыснікаў, міліцыя правярнула цэлую аперацыю
Здарэнне адбылося ў адной з вёсак ноччу 10 мая.
Як паведамляе міліцэйскі тэлеграм-канал, аператыўнікі крымінальнага вышуку РАУС прарабілі велізарны аб'ём працы, каб выйсці на след зламыснікаў.
Высветлілася, што да крадзяжу маюць дачыненне трое жыхароў Нароўлі і 24-гадовы жыхар адной з вёсак Вілейскага раёна, які прыехаў да іх пагасцяваць.
Мужчын звязвала адно — усе яны былі раней судзімыя. Брала ў гэтым удзел і 27-гадовая жанчына, жонка аднаго з іх.
Квартэт поўным складам позняй ноччу выехаў на раён, дзе і даставаў вечкі раней аблюбаваных люкаў. Удалося выдраць і два чыгунныя корпусы. Скрадзенае мужчыны здавалі скупшчыкам металу.
Кіраваў «аперацыяй» 63-гадовы пенсіянер, які толькі за апошнія два гады 31 раз прыцягваўся да адміністрацыйнай адказнасці. Палова з іх — за дробны крадзеж. У яго актыве парушэнне антыалкагольнага заканадаўства і ПДР, невыкананне патрабаванняў прэвентыўнага нагляду або прафілактычнага назірання.
Ён быў раней асуджаны за крадзеж, учынены групай асоб, і невыкананне патрабаванняў прэвентыўнага нагляду.
Пракурорскі начальнік абурыўся неабгрунтаванымі затрыманнямі беларусаў8
Каментары