Stendap-komik i tvitar-humaryst Michaś Iljin u vypusku na kanale «Tok» zhadaŭ, jak udałosia zachavać adno z samych viadomych videa z pratestaŭ, za jakoje siłaviki pakłali jaho na ziamlu.
Razmova pra videa 2020 hoda, dzie chłopiec uciakaje ad siłavikoŭ i zaskokvaje ŭ taksi. Kiroŭca daje pa hazach i zvozić chłopca. Michaś z kaleham z «Jeŭraradyjo» paśpieli źniać hety momant.
Michaś zhadvaje, što heta ŭsio adbyłosia ŭ dzień tak zvanaj inaŭhuracyi 23 vieraśnia 2020 hoda. Choć pratesty zvyčajna adbyvalisia ŭ vychadnyja, hetaja padzieja stała tryhieram aktyŭnaści siarod tydnia.
«Ludzi pavychodzili i znoŭ pačali litaralna «chistać» režym. Miescami dachodziła da supraćstajańnia ź siłavikami. Jany heta mocna dušyli. My stali śviedkami taho, jak ad ich źbiahaŭ chłopiec», — raspaviadaje Iljin.
U hety dzień znoŭ byli prablemy z mabilnaj suviaźziu i chłopcy nie mahli rabić žyvy efir, tamu jany ŭ hety viečar zdymali ŭsio na telefony.
«My ŭdvuch zdymajem hety momant. Ja chavaju telefon, bo razumieju, što my źniali šedeŭr. Heta ŭzarvie internet. Tut padbiahajuć hetyja chłopcy. Heta navat nie siłaviki, a niejkija tryndziuki pa 18—19 hadoŭ. Zusim małyja byli i vielmi nachabnyja. Jany nas załamali, pačali kazać, kab my addali telefony.
Mnie vielmi nie chaciełasia z telefonam raźvitvacca. Jany patrabavali vydalić videa. Nas pakłali na plitku, a nie na asfalt. U niejki momant navat prykładali elektrašokier da tvaru i pahražali, ale nie bili. Niejkija bajavyja pryjomy vykarystoŭvali. Ale kab prosta ŭ tvar bić ci pa nyrkach, to, zdajecca, nie bili», — raskazvaje padrabiaznaści Michaś.
Jon spačatku sprabavaŭ ź siłavikami pahutaryć, patłumačyć, što jany žurnalisty. Prasiŭ advieści da načalnika. «Ale ja zrazumieŭ, što jany na adrenalinie, i heta ŭsio nie prakatvaje».
U vyniku siłaviki zmahli adabrać telefon. Michaś havoryć, što heta byŭ jaho asabisty telefon, jaki jon uziaŭ u rasterminoŭku, i płacić zastavałasia jašče 23 miesiacy.
«Ja pajšoŭ na chitraść. Kažu: «Dobra. Pry tabie vydalaju, i ty addaješ mnie telefon». Jon pahadziŭsia. Ja spadziavaŭsia na toje, što ŭ ajfonie možna budzie sa śmietnicy heta adnavić, i što chłopiec, jaki budzie za hetym sačyć, prosta pra takoje nie viedaje. Ja pry im vydalaju.
Ale tut padychodzić niejki druhi chłopiec i kaža: «U jaho ajfon. Tam u śmietnicy zastałosia». Jon zachodzić i vydalaje sa śmietnicy», — pieradaje padrabiaznaści Iljin.
Michaś zhadvaje, što ŭ ich na toj čas była pry sabie akredytacyja. Jany jaje pakazali, i ŭ vyniku chłopcaŭ adpuścili.
«My idziom, i ja kažu siabru: «Tak škada. Taki šykoŭny vidos byŭ». A jon mnie cicha adkazvaje: «A ŭ mianie nie vydalili».
Praz toje, što Michaś sprabavaŭ ź siłavikami spračacca, asnoŭnaja ŭvaha była źviernutaja na jaho. I heta ŭratavała videa, jakoje było zapisana na telefon siabra.
Hladzicie całkam:
-
Viasielny kvest u emihracyi: biełarusy raskazali, jak brali šlub u zamiežžy
-
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
-
«My jašče nie skončyli. Nie stračvajcie nadziei!» Džon Koŭł adreahavaŭ na słovy Cichanoŭskaj pra 800 palitviaźniaŭ u Biełarusi
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary
Da i v istoriju vojdiot!
Śnimaju šlapu!