Madźjar prapanavaŭ Vienhryju pieramoŭnaj placoŭkaj dla Ukrainy i Rasii
Madźjar vyznačyŭ try napramki, u jakich Budapiešt hatovy dałučycca da ŭrehulavańnia.
Vienhryja hatovaja stać placoŭkaj dla pierahavoraŭ Ukrainy i RF, zajaviŭ premjer Pieter Madźjar u intervju Frankfurter Allgemeine Zeitung, piša RBK-Ukraina.
Madźjara spytali, ci źjaŭlajecca dastatkovaja kolkaść zbroi dla samaabarony nieabchodnaj častkaj budučych harantyj biaśpieki dla Ukrainy. Vienhierski premjer z takim padychodam nie pahadziŭsia.
Pavodle Madźjara, realnyja harantyi moža dać tolki kalektyŭnaja palityčnaja vola viadučych dziaržaŭ, a nie abjom vajskovaj dapamohi: «Ja nie liču, što zbroja źjaŭlajecca harantyjaj biaśpieki. Harantyi biaśpieki moža dać tolki mižnarodnaja supolnaść. Vienhryja nie moža adyhryvać tut vyrašalnuju rolu; heta pytańnie bujnych dziaržaŭ», — zajaviŭ jon.
Madźjar vyznačyŭ try napramki, u jakich Budapiešt hatovy dałučycca da ŭrehulavańnia.
«My možam akazać dypłamatyčnuju i humanitarnuju dapamohu, a Vienhryja taksama mahła b być miescam dla pierahavoraŭ», — adznačyŭ jon.
Intervju apublikavana paśla vizitu Madźjara ŭ Bierlin, dzie jon pravioŭ sustreču z kancleram Hiermanii Frydrycham Miercam.
Na sumiesnaj pres-kanfierencyi premjer paćvierdziŭ, što i pry novym uradzie Vienhryja nie budzie adpraŭlać va Ukrainu ni zbroju, ni sałdat.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Tamu vajna skončycca, kali ichni fiurar skanaje (sam, ci pamohuć), ale nie raniej. Nijakija pieramovy tut ničoha nie daduć.