Rašeńnie ab abrańni 72‑hadovaha Chaliłura Rachmana było pryniata z adnosna nievialikaj pieravahaj: za jaho prahałasavali pradstaŭniki 99 z 193 dziaržaŭ — členaŭ Hienieralnaj Asamblei.
Na pasadzie staršyni Rachman źmienić byłuju kiraŭnicu MZS Hiermanii Analenu Bierbak. Jana zastaniecca na hetaj pasadzie da vieraśnia, kali i adbudziecca aficyjnaja pieradača paŭnamoctvaŭ, piša Bild.
Choć kirujučaja pasada ŭ najbujniejšym orhanie AAN (nie błytać z kiraŭnikom samoj AAN Antonia Huteryšam) nosić najpierš pradstaŭničy charaktar, staršynia moža akazvać upłyŭ na pracesy za kulisami. Rašeńni Hienieralnaj Asamblei časta majuć simvaličny charaktar i ličacca adlustravańniem ahulnasuśvietnych nastrojaŭ.
Rachman ustupaje na pasadu ŭ składany pieryjad. AAN adčuvaje cisk praz šmatlikija niavyrašanyja ŭzbrojenyja kanflikty i deficyt finansavańnia. Dypłamaty da apošniaha sumniavalisia, ci pakinie Rachman svaju pasadu ministra zamiežnych spraŭ Banhładeš dziela hetaj pracy.
Adnak jon zajaviŭ, što choča być «prezidentam na poŭnuju staŭku» i maje namier zajmacca refarmavańniem miratvorčych misij AAN, padtrymkaj žančyn i dziaŭčynak, a taksama prablemami najbiadniejšych krain śvietu.
Ciapier čytajuć
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali2
Kvatery ŭ novabudoŭli ŭ centry Hrodna raspradali za ličanyja chviliny, ale tolki zirnicie, što tam nabudavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary