Siłaviki razhramili kvateru Dzianisa Dudzinskaha i Kaciaryny Rajeckaj u Minsku
HUBAZiK dabraŭsia da kvatery viadomych žurnalistaŭ Dzianisa Dudzinskaha i Kaciaryny Rajeckaj u Minsku. Uzłamaŭšy ŭ kvatery dźviery, łukašenkaŭskija siłaviki pa svajoj zvykłaj schiemie pakazalna jaje razhramili, pachvaliŭšysia adpaviednym videa ŭ svaim telehram-kanale.
Takija mietady, charakternyja dla kryminalnych hrupovak, ale nie dla aficyjnych siłavych struktur u inšych krainach, rehularna ŭžyvajucca HUBAZiKam u dačynieńni da nieruchomaści tych viadomych apazicyjnych dziejačaŭ, jakija znachodziacca za miažoj i da jakich niemahčyma daciahnucca.
U hetych kvaterach hubazikaŭcam ničoha nie treba zdabyvać dla niejkich śledčych dziejańniaŭ, niahledziačy na aficyjnaje śćviardžeńnie, što «pieratrus» pravodzicca «ŭ metach vyjaŭleńnia schovanak i inšych prykmiet sadziejničańnia teraryzmu».
Nasamreč adzinaja meta hetaha ŭvarvańnia — prosta zrabić u kvatery razhrom. Hetym samym, z adnaho boku, siłaviki imknucca svaich apanientaŭ zapałochać i demaralizavać, a z druhoha — prademanstravać svoj razryŭ z normami zakonnaści.
Dzianis Dudzinski, jaki raniej pracavaŭ na telekanale «Biełaruś 1», i jahonaja žonka Kaciaryna Rajeckaja źjechali ź Biełarusi va Ukrainu letam 2021 hoda. Paśla pačatku vajny jany pierajechali ŭ Polšču. Dudzinski doŭhi čas pracavaŭ karespandentam «Biełsata» va Ukrainie padčas vajny, u tym liku ŭ pryfrantavoj zonie.
U vieraśni 2020 hoda Dzianis Dudzinski atrymaŭ 10 sutak aryštu za ŭdzieł u niesankcyjanavanym masavym mierapryjemstvie (artykuł 24.23 KaAP). U kastryčniku jaho aštrafavali pa hetym ža artykule na 675 rubloŭ (kala 270 dalaraŭ). Z hetaha pačałasia jaho i žonki adysieja.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?6
Kamientary