Śpiektakl teatra biełaruskaj dramaturhii pa tvorach Karatkieviča siońnia pakažuć anłajn
Videaservis Voka 13 lipienia pakaža ŭ žyvym efiry premjeru Respublikanskaha teatra biełaruskaj dramaturhii — śpiektakl «Karniej» pa matyvach tvoraŭ Uładzimira Karatkieviča. Tranślacyja pačniecca ŭ 19:00 pa minskim časie i budzie biaspłatna dastupnaja hledačam u lubym punkcie śvietu.
U asnovie śpiektakla — apaviadańnie Uładzimira Karatkieviča «Karniej — myšynaja śmierć», a taksama ŭryŭki z prazaičnych tvoraŭ piśmieńnika, jaho vieršaŭ i ese. Hałoŭnym pradmietam daśledavańnia ŭ hetaj pastanoŭcy budzie Dom — jak simvał, jak pačućcio, jak suviaź z rodnaj ziamloj, jak złučalnaje źviano pakaleńniaŭ, dośviedaŭ, časoŭ i vyprabavańniaŭ.
Šmatkamiernaja mastackaja zdymka ŭ vysokaj jakaści, jak abiacajuć, dazvolić kožnamu hledaču, jaki dałučycca da prahladu 13 lipienia, maksimalna pahruzicca ŭ atmaśfieru teatralnaj zały i ŭbačyć usio, što adbyvajecca na scenie, z roznych rakursaŭ.
Pahladzieć premjeru anłajn možna budzie ŭ dadatku Voka abo na sajcie voka.tv — ź luboj pryłady i biez aŭtaryzacyi. Pakaz praciahnie sieryju tranślacyj, jakija videaservis pravodzić z Respublikanskaha teatra biełaruskaj dramaturhii ŭžo nie pieršy siezon.
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami13
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary