Hramadstva11

Vyraśli ceny na navučańnie va ŭniviersitetach. Kolki daviadziecca płacić?

Košt płatnaha navučańnia ŭ 2023/2024 navučalnym hodzie nazvali ŭ BDUIR, Biełaruskim dziaržaŭnym miedycynskim univiersitecie, Minskim dziaržaŭnym linhvistyčnym univiersitecie.

Jak pišuć «Minsk-Naviny», na sajcie Biełaruskaha dziaržaŭnaha ŭniviersiteta infarmatyki i radyjoelektroniki skazana, što z 1 vieraśnia hadavoje navučańnie, naprykład, na pieršym i druhim kursach fakulteta kampjutarnych sistem i sietak pa ŭsich śpiecyjalnaściach dzionnaj formy atrymańnia adukacyi budzie kaštavać 4 590 rubloŭ. Stolki ž spatrebicca ŭnieści za pieršakurśnika fakulteta infarmacyjnych technałohij i kiravańnia, inžynierna-ekanamičnaha fakulteta. U vypadku zavočnaj formy atrymańnia adukacyi pa ŭsich śpiecyjalnaściach košt składzie ad 1 588 rubloŭ (1-2 kursy) da 1 262 rubloŭ (5 kurs).

Ceny na navučańnie vyraśli da 7% u zaležnaści ad śpiecyjalnaści, kursa i formy atrymańnia vyšejšaj adukacyi. Źmiena rascenak, jak tłumačycca, abumoŭlena vydatkami na kamunalnyja pasłuhi, enierhanośbity, utrymańnie budynkaŭ, padtrymańnie ŭzroŭniu zarpłaty prafiesarska-vykładčyckaha składu. Razam z tym studenty, jakija dasiahnuli vysokich pakazčykaŭ u vučebnaj, navukova-daśledčaj dziejnaści i hramadskaj pracy, mohuć raźličvać na źnižku na apłatu navučańnia. Dziejničaje i sistema indyvidualnych hrafikaŭ płaciažoŭ.

U BDMU płatnaje navučańnie na śpiecyjalnaści «lačebnaja sprava» abo «piedyjatryja» budzie kaštavać 4 430 rubloŭ, na «stamatałohii» — 5 182 rubli, na «miedyka-prafiłaktyčnaj spravie» — 4 064 rubli. Na «farmacyi» dzionnaj formy padrychtoŭki suma składzie 4 430 rubloŭ, zavočnaj — 1 770 rubloŭ. Adznačana, što pry siarednim bale paśpiachovaści studenta 7,46—8,25 praduhledžana źnižka na navučańnie 20%, pry bale 8,25—9 — 40%, pry bale vyšejšym za 9 — 60%.

U Minskim dziaržaŭnym linhvistyčnym univiersitecie taksama źmianili košt płatnaha navučańnia ź vieraśnia. Na dzionnaj formie navučańnia na fakultetach anhlijskaj movy, niamieckaj movy, ramanskich moŭ, pierakładčyckim fakultecie i fakultecie kitajskaj movy i kultury studentam pieršaha i druhoha kursaŭ spatrebicca zapłacić 3 948 rubloŭ, treciakurśnikam — 3 916 rubloŭ, na čaćviortym kursie — 3 830 rubloŭ, piatym — 3 098 rubloŭ.

Dla fakulteta mižkulturnych kamunikacyj rascenki takija ž, za vyklučeńniem piataha kursa, dla jakoha patrebnaja suma mienšaja i roŭnaja 1 580 rublam. Dla zavočnaj formy navučańnie ź pieršaha pa čaćviorty kurs abydziecca ŭ 1 454 rubli za hod, dla piataha — 1 274 rubli.

Kamientary1

  • Kastuś
    23.07.2023
    Na praktycy anijakich źnižak na navučańnie niama!Bolš za toje,studentam ź Biełarusi nie dajuć žyć ú internatach,tamu što pavaha addajecca navučencam ź inšych krain.

Ciapier čytajuć

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie9

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie

Usie naviny →
Usie naviny

U Viciebskaj vobłaści vypała bahata śniehu1

Rubia: ZŠA bolš nie buduć nieści asnoŭny ciažar humanitarnaj dapamohi3

Chto stanie apierataram suviazi 5G u Biełarusi

U Bresckim rajonie adbyŭsia vybuch bojeprypasa. Zahinuŭ padletak

Uejn Hrecki pra svajho dzieda z-pad Bresta: Jon byŭ ruskim i paradavaŭsia b za rekord Aviečkina48

Pažar u Babrujskim rajonie źniščyŭ siem pabudoŭ

«Vyrašyli, što varta mienš kamunikavać». Pra što platkarać miž saboj kalehi Harbačova-Makaviejeva pa «Varhiejminhu»5

Kłubnicy ad 12,5 rubla, bujaki pa 100. Što pradajuć na viasnovaj Kamaroŭcy1

Źmienieny paradak zdačy ispytu na pravy kiroŭcy3

bolš čytanych navin
bolš łajkanych navin

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie9

«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie

Hałoŭnaje
Usie naviny →

Zaŭvaha:

 

 

 

 

Zakryć Paviedamić