Telegram pačaŭ pieradavać rekłamadaŭcam źviestki karystalnikaŭ — u tym liku i biełarusaŭ. Raspaviadajem, jakija
Siarod źviestak, jakija Telegram moža pieradavać rekłamadaŭcam, navat zašyfravanyja numary telefonaŭ karystalnikaŭ.

U Telegram abnaviłasia palityka pryvatnaści. U niekatorych krainach, u tym liku ŭ Biełarusi, tam źjaviŭsia punkt 5.6.1. U im skazana, što ciapier Telegram budzie pieradavać rekłamadaŭcam IP-adrasy, śfieru vašych cikaŭnaściaŭ i zašyfravany numar telefona ŭ vyhladzie ŭnikalnaha identyfikatara (kampanija zapeŭnivaje, što jon zašyfravany nadziejna).

Heta treba dla taho, kab nacelvać rekłamu na kankretnyja rehijony i navat harady. Taksama jany chočuć adfiltravać rekłamu, jakaja padychodzić pa moŭnaj prykmiecie, ale nie padychodzić pa rehijonie — naprykład, karystalniki ź biełaruskaj movaj klijenta, ale nie ŭ Biełarusi.
Jašče rekłamadaŭcy zdolejuć pieradavać zašyfravanuju klijenckuju bazu ŭ Telegram, kab płatforma naceliła rekłamu tolki na ich klijentaŭ. Telegram zapeŭnivaje, što ŭ hetych bazach źviestak nie buduć utrymlivacca telefony i nijak niemahčyma budzie atrymać jaho z hetaj bazy.
Źmieny nie zakranuć tych, chto kupiŭ premium-padpisku. Kampanija abiacaje, što źviestki hetych karystalnikaŭ rekłamadaŭcam nie buduć pieradavać.
«Naša Niva» — bastyjon biełaruščyny
PADTRYMAĆJak vydalić akaŭnt u Telegram i stvaryć jaho nanova na virtualny numar — pakrokavy hajd
Skandał u śviecie biaśpieki: miesiendžar, jaki abiacaŭ «zvyšbiaśpieku», zachoŭvaŭ źviestki karystalnikaŭ dastupnymi dla ŭsich i dazvalaje rasšyfravać paviedamleńni
Jakija źviestki biełarusaŭ uciakli ŭ sietku praz uzłom bujnych kram
Kamientary