Čatyroch fihurantaŭ «spravy SBNŠ» asudzili na terminy ad 3 da 3,5 hadoŭ kałonii
U Minskim abłasnym sudzie 7 lipienia vynieśli prysud pa spravie «Sajuza Biełaruskaha Nacyjanalnaha Ščyta». 17-hadovaha Aleha Dabrydnieva z Kaściukovičaŭ, 19-hadovaha Kiryła Bałachonava z Buda-Kašalova, 27-hadovaha Alaksandra Rukojcia sa Smarhoni i 19-hadovaha Uładzisłava Jafimoviča asudzili na terminy ad troch da troch z pałovaj hadoŭ kałonii, paviedamlaje «Viasna».
Chłopcaŭ abvinavacili ŭ stvareńni «ekstremisckaha farmavańnia» — dvuch Telegram-kanałaŭ i čatyroch TikTok-akaŭnta, a taksama ŭ «raspalvańni inšaj sacyjalnaj varožaści». Ich telefony kanfiskavali, jak «srodki ździajśnieńnia złačynstvaŭ».
Praces u zakrytym režymie viała Alena Bačyšča. Pravaabaroncam viadoma, što pa spravie adbyłosia nie mieniej za čatyry pasiedžańni.
Pavodle viersii abvinavačvańnia, čaćviora chłopcaŭ letam 2022 hoda «ŭstupili ŭ destruktyŭnuju Telegram-hrupu, jakaja ŭ listapadzie 2022 hoda pryznanaja ekstremisckim farmavańniem, a jaje infarmacyjnaja pradukcyja — ekstremisckimi materyjałami». 1 listapada 2022 hoda «ekstremisckim farmavańniem» byŭ pryznany Telegram-kanały i TikTok SBNŠ (Sajuz Biełaruskaha Nacyjanalnaha Ščyta).
Dabrydnieŭ i Bałachonaŭ, staŭšy administratarami takoj Telegram-hrupy, «z metaj vykazvańnia niezakonnymi sposabami svaich hramadska-palityčnych pohladaŭ i pratestu, viadzieńnia destruktyŭnaj dziejnaści zachoŭvali i zamacoŭvali ŭ joj roznyja materyjały i piśmovyja teksty, u tym liku ŭklučanyja ŭ respublikanski śpis ekstremisckich materyjałaŭ».
Pavodle viersii abvinavačvańnia, Jafimovič i Rukojć «naroŭni z administratarami hrupy brali aktyŭny ŭdzieł u dziejnaści ekstremisckaha farmavańnia». U pryvatnaści, jany nibyta raźmiaščali i zachoŭvali ŭ volnym dostupie instrukcyi pa ździajśnieńni dziejańniaŭ, nakiravanych na pryčynieńnie škody nacyjanalnaj biaśpiecy Respubliki Biełaruś: videafajł i infarmacyju ab pieramiaščeńni vajennaj techniki na terytoryi Respubliki Biełaruś, aŭdyjazapis, źmiest jakoha nakiravany na raspalvańnie varožaści i varožaści pa prykmiecie nacyjanalnaj prynaležnaści.
Raniej stała viadoma, što pa spravie taho ž «SBNŠ» byŭ asudžany na try hady kałonii stryječny praŭnuk Jakuba Kołasa Mikita Bruj sa Stoŭbcaŭ.
Čytajcie taksama:
Zatrymali žychara Fanipala Mikitu Skarabahataha
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary