Prezident Ukrainy Uładzimir Zialenski zapeŭniŭ zachodnich sajuźnikaŭ, što kontrnastupleńnie USU ŭ najbližejšy čas ustupić u novuju fazu. Pra heta jon zajaviŭ u ramkach Mižnarodnaha forumu pa biaśpiecy ŭ amierykanskim Aśpienie, paviedamlaje Financial Times.
Niadaŭniaja sproba adstajać pazicyi na ŭschodzie krainy pačałasia paźniej, čym płanavałasia Kijevam, praź niedachop bojeprypasaŭ, uzbrajeńniaŭ i niedastatkova padrychtavanych bryhad, pryznaŭ Zialenski. Heta dało Rasii mahčymaść zakłaści miny i stvaryć abarončyja linii na šlachu USU.
U toj ža čas ukrainski prezident padkreśliŭ, što situacyja na froncie chutka źmienicca, i zaklikaŭ sajuźnikaŭ pastaŭlać bolš dalnabojnych rakiet i pieradavych źniščalnikaŭ.
Daradca pa nacyjanalnaj biaśpiecy ZŠA Džejk Salivan zajaviŭ na forumie, što vyniki vajennych namahańniaŭ Ukrainy stanuć zrazumiełyja tolki paśla taho, jak Kijeŭ całkam zadziejničaje svaje siły.
Jon dadaŭ, što ŭpor ukrainskich uładaŭ na paskareńni pastavak pieradavych źniščalnikaŭ dla kontrnastupleńnia niapravilny, bo mocnyja sistemy SPA pieraškadžajuć aktyŭnaj roli avijacyi ŭ kanflikcie.
Ministr zamiežnych spraŭ Vialikabrytanii Džejms Klevierli zajaviŭ, što razumieje razychodžańnie pamiž čakańniami Ukrainy i abaviazacielstvami Zachadu, bo ŭ kožnaha boku svaje pryjarytety. «Zaŭsiody budzie niekatoraje adroźnieńnie ŭ padychodzie pamiž ukrainskim kiraŭnictvam i inšymi krainami ŭ tym, čaho my chočam dasiahnuć», — adznačyŭ jon.
Zialenski: Krymski most — cel, jakuju treba niejtralizavać
Zialenski: Pucin — mańjak, jaki vyrašyŭ usich nas zabić
«Bai pad Zaparožžam i Bachmutam — heta nie paŭtor Pieršaj suśvietnaj, a vysadka ŭ Narmandyi»
«Temp apieracyi pradyktavany toj zbrojaj, jakuju atrymała Ukraina». U čym sutnaść novaj ukrainskaj vajennaj taktyki?
Ciapier čytajuć
«Stajać na svaim, kožny na kolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary
Kak tolko F-16 i atakms połučat - srazu i uskoriatsia!)